Flönz

Dä Lemma-Titel he es op Kölsch buchstabeet nohm Wrede.

Die Sigg hee es op Kölsch
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)

Himmel un Ääd mit Flönz

Flönz es en kölsche Woosch.

Ungerschied Flönz - Blotwoosch

De Flönz es jet Ähnliches wie de Blotwoosch un weed och us Blot unn Würfelcher vum Sauspeck gemaht. Ävver Flönz weed gekoch un Blotwoosch geräuch. Un deswäge es Flönz wabbelig un Blotwoosch bliev och in dä Pann stiev wie en Kummelionskääz.

Fröher em nüngzehnte Johrhundert wore Flönz de billigste Wooschste, alsu alles Möögliche, nit nor Blotwoosch. Dat wor dat, wat mer för da Hungk gekauf hätt, de ärm Lügg och för sich selvs. Nohm Adam Wrede hät mer in de Metzgereie mänchmol gehoot: För zwei Grosche Flönz för der Hungk, ävver kein Fleischwoosch dobei, die iß minge Vatter nit.

Met der Zigg hät mer Flönz för de billige Blotwoosch gesaht. Un hügg weiß kaum einer, wat dä Ungerschied es zwesche Flönz und Blotwoosch.

Flönz ka' mer esse als Kölsche Kaviar oder gebrode met Himmel un Ääd. Dozu drink mer e Kölsch, normal.

Uns kölsche Schibboleth

Wenn ene Kölsche einer för ene Imi häld, weed dem suspekteete Imi gefrog: "Sag ens Blotwoosch!". Ene Imi versök dann, et Wood Blotwoosch lautgetreu nohzespreche, wobei hä off keine Erfolg hät, ävver der Kölsche weiß, dat de richtige Antwood Flönz es. Dat hät der Jupp Schlösser 1948 en e schön Leedche geschrevve; doher kütt och et Wood "Imi".

Süch Och

• Kölsche Kaviar‎
• Himmel un Äd

Quelle

Mieh Aatikkel üvver Esse & Drinke fingste op dä Pooz:Esse & Drinke