Sendai-Ärdbebe va 2011
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Beij öt Sendai-Ärdbebe va 2011 handelnde öt sich öm ee van d schwötzde Ärdbebe, di mo je jemeiße had. Am 11. Määz 2011 waggelnde d Ääd onjeväär 130 km vöör d japanische Stadt Sendai. Jemeiße wood ön Stärke van öt Bebe, di beij 8,9 op d Richterskala loch.
Jätt övver dat Ärdbebe
[Ändere · der Quälltäx ändere]
Öt wood vassjestalld, dat dat Ärdbebe en ön Deepde va 24 - 25 km stattvong. Dat Waggele van d Ääd kutt ä janz Japan vassjestalld wäde. A Land wood noch ön Stärke va 7 jemeiße. Völl Huuser un Fabrikke jänge kapott övv brannte aav. Dörch dat Ärdbebe entstäng ön jruuße Wasserwell, önö Tsunami, dä ön bes zo 10 Meter huch Wasserwand jäje d Köste van d japanische Insel deude. 700 Kilometer pro Stond woch di flott. Besongisch schwoch jetroffe wood d Stadt Sendai, di zm jruuße Deel kapott jemaad wood.
Watt zo dat Ärdbebe vührde
[Ändere · der Quälltäx ändere]Vöör Japan stüsse vorschiedene Äädplaate opee. Do treffe sich di Pazifische- un d Nordamerikanische Plaat, wobeij Spannunge opträäne. 83 mm maad dat öt Joohr us. Önö Jraav, dr Japanjraav, entstäng. Löse sich di Spannunge op, ruggeld d Ääd, watt als Ärdbebe a Land un als Seebebe em Meer jemeiße weed. Dat Bebe vam 11. Määz woch net öt ischde, völl klenge Bebe hod öt at vörhen jejovve.
Schäde
[Ändere · der Quälltäx ändere]Am Dach no öt Bebe wore di Schäde noch net aav z see. Öt wood va 1000 Dude jesproche, wobeij dä Tsunami d meetzde Mensche ömbraad hod. Völl Hüüser send kapott jejange, ö Ölwerk ä Brand jejange, Stroße un Brögge könne net mi jebrud wäde. Noch net aavzösehende Schade had dat Bebe beij d Kärkraftwerke van öt Land aajerichd. Dr Strom zo öt Werk Fukushima I es ongerbroche, su dat d Pompe net loufe, dä Brennstoffkär övverhetze kann un d Jevaahr bestehd, dat öt zo önö GAU, dr Jrützde Aazönämmende Onvall komme kann. Lüüh, di en d Nöhde wonne, moote d Wonnunge vorlosse.
