D Bärchkatz
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
D Bärchkatz es önö löstije dütsche Stommfilm ä viir Akte us öt Joohr 1921. Jedriihnt wood dä va Ernst Lubitsch. Di Hauptrolle spelte Paul Heidemann, Pola Negri, Edith Meller un Hermann Thimig.
Woröm öt beij d Film jäng
[Ändere · der Quälltäx ändere]Der ischde Akt
[Ändere · der Quälltäx ändere]Öt es deepe Wengkter op d Festung Tossenstee. Do jeeht öt konterbont zo. D Soldate schloffe jäähr lang, ävver sö dönt meeßd net dat, watt bevoole weed. Usserdäm kitt dr Kommandant van Tossenstee bo jrau Hoore, do sing Vrau häm dr Vräck a deed. Als önö Breef akütt, dat Alexis, dr Droom va all Vraue, no Tassenstee kütt, driine all di Wiiver vöör Vreud dörch.
Op singe Wääch no Tossenstee weed Alexis ävver övvervalle un van d Räubersdoohter Rischka bes op d Ongerbotz usjetrocke.
Dr zweide Akt
[Ändere · der Quälltäx ändere]Als Alexis en sing Ongerbotz op Tossenstee akütt, send d Vraue bo net mit z halde. Dozo jehüüre och Vrau un Doohter van der Kommandant, dä Alexis ävver säd, dat hä d Vängere van di zwei losse söll. Dat häld häm ävver net dova aav, öröm z schäkere.
Rischka had en di Zitt ö Beld un di jeklaude Botz van Alexis ä hör Zelt opjehange. Hörö Papp dojäje ärchd sich, dat Rischka net och noch d Ongerbotz metbraad had. Di höd hä jott bruche könne.
Va Tossestee röcke d Soldate us, öm jätt jäje d Räuber z ongernämme.
Dr dreide Akt
[Ändere · der Quälltäx ändere]D Räuber jaare d Soldate zm Deuvel, watt janet schwoch välld. Schniibäll un Uurviije send at jenoch. Op Tossenstee weed erwaad, dat d Soldate jewänne, un ä Fess jeviird, wobeij Alexis us Dank vöör si joo Werk Lilli, d Doohter van der Kommandant zr Vrau kitt.
En di Zitt bräche d Räubere en d Festung en un rümme d Räum lääch. Rischka werpt d Kleer va Lilli us öt Venster un di anger Räuber verkleere sisch, damet si metviire könne. Alexis sitt ävver Rischka un schlösst sö ä Lillis Zemmer en. Do bökßd sö ävver met d Hölp va Lilli us.
Dr viirde Akt
[Ändere · der Quälltäx ändere]Rischka, wärm zöröck en öt Lajer van d Räuber, söll no dr Well van hörö Papp vorhiirod wäde. Als Rischka ävver hüüd, dat Alexis dr näkßde Daach sälv hiirode weed, schleed sö d eeje Plän en dr Wenk un haud aav.
Alexis jeed öt jenausu un hä besüffd sisch. Ä singe besoffe Kopp treffd hä vöör d Döör Rischka. Sö jönd zösamme no öt Huuß va Alexis, wo kott dono och Lilli akütt. Beede Vraue welle us Sorch opee Alexis opjävve. Als sö spiir zösamme eiße, benämmt sisch Rischka ävver donävver un Alexis schleed sisch wärm op d Siij va Lilli. Rischka trefft op dr Wääch no öt Lajer dä Mann, däm öt hiirode solld. Dörch ö Bützje besejjele sö dr Bund vöör öt Lääve.