Düsseldorf-Vennhausen
Dä Ortsdel Düsseldorf-Vennhuse litt em Oste von de Stadt Düsseldorf en dä Näh von demm Nidderberjesch Langk on litt am södlech Arm von de Düssel.
Jeschech
[Ändere · der Quälltäx ändere]Vennhuse bestand bes vör eeneje hundert Johr nor us e sompech Jebeed, woher och dä Naam vom Stadtdel (Venn es e nooddüütsch Wood för Somp) röhrt on wood och ensprechend spät on och dann ääsch allmöhlech besiedelt. 1809 weed Vennhuse, onger Aanleedong von de napoleonesch Hääschaff, en de Börjermeesterei Jerreshem injejleedert, wozo och Ludeberch, Erkrod, Bruchhuse, Ongerbach, Dorp on Morp jehööde, on 42 Johr späder, em Johr 1851, en de "Samtgemeinde Gerresheim" zosammejefass. 1872 bekohm Vennhuse en Bahnhof, dä sech aan de Jrenz zo Eller em Weste vom Stadtdel befand on doför jedacht wor, de Arbidder en de nohjeläjene Fabrike, wie zom Beispell de Jerreshemer Jlashött, zo brenge. En de 1970er Johre wood dä Bahnhof vom Netz jenomme und dient nu onger dem Naam "Kulturbahnhof Eller" als Könstleratellier. 1909 erfohr Jerreshem on dohmet och Vennhuse, Ongerbach on Ludeberch de Injemeendong noh Düsseldorf. Ääsch zor Weldweedschafskris, de von 1929 bes 1933 anhielt, leeße sech jrößer Masse von Börger en denne Stadtdel nidder. Hütt zählt mr dott 10.373 Inwohner (Stangk: 2000).
Frizidd
[Ändere · der Quälltäx ändere]Een Jros vom Areal mäkt dä Eller Forst us, dä fröher zo Dele e Mölldeponie darjestellt hätt on hütt als Noherholongs- on Naturschutzjebeed dient. Em Häzz dohvon litt dä Ongerbacher See, dä ne Vellzahl aan Friziddmöchlechkeede beedt, eso komme dott nit nor Badejäst op eere Koste -et jiff dott zwei Stränge-, songer och Surfer, Sechler of Angler. Denne naturjeschötz Jebeed nenne hütt 41 verscheeden Vool- on cerca 150 Planteaate er Hem.
Verkär
[Ändere · der Quälltäx ändere]Aan dä Jrenz noh Jerreshem befengk sech dä S-Bahnhof "Düsseldorf Jerreshem" on dott verkäre S-Bahnzöch von de DB: S8 on S68 sowie de Rechiobahn S28. Alternatev fengk mr aan dä Jrenz zo Eller demm S-Bahnhof "Eller", op demm de S1 verkät. Em Stadtdeljebed fahre de Buslinie von de Rhingbahn 721, 722, 724, 730, 735, 736, 737, 781, 891.
Beldong
[Ändere · der Quälltäx ändere]In Vennhuse befenge sech völl Scholle.