Blasiusdaach
op e'nem Altarbild
Am 3. Februar fiert de katholische Kirch de Namensdaach vom hl. Blasius von Sebaste, dä de Lejänd noh e'nem Panz et Lävve jerätt hann soll, als dä aan e'ner Feschgrööt bahl versteck wör. Deshalef wierd de hl. Blasius och hück noch bei jede Zort von Hals- un Zandping als eene von dä 14 Nuthelefer aanjeroofe.
Dat besondere an dämm Daach eß, dat en de Kirch de Blasisussäje jejovve wierd. Dobei hält de Pastur zwei jekrüxte Kärze en de Hand un deet domet de Hals vom Jläubige sähne, dä vür in jetrodde eß.
