Bellatrix

Uß de Wikipedia
Jrüßevejlich töüsche Bellatrix (lenks), Algol B (räêts) on ons Sunn (Midde)
Physikalesch Bejreff Daate
Radius 5.75 R[1]
Mass 8.6 M[2]
Löüschkraff 9,211 L[1]
Temperatur 22000 K
Spektralklass B2 III[3]
Radialjeschwendeschkeet +18.2 km/s
Rotationsjeschwendeschkeet 46±8 km/s[3]
Scheenboare Helleschkeet 1.64 mag[3]
Avsoluute Helleschkeet −2.78 mag
Entfäenong (252 ± 10) Lj

Bellatrix (lat. Kreejerin), em Bayersche Kataloosch als γ Orionis (latengiseert ze Gamma Orionis, kuêt Gamma Ori) bekannt, es d'r van de Äêd uss dritthelleste Stäê em Stäênebeld Orion. Et weed nävve Beteijeuze als demm Orion sing angere Scholtestäê bezeechnet on es dä fünnef-on-zwanzesch-helleste Stäê am Naahtshemmel.

Noam[Ändere · der Quälltäx ändere]

Dä traditionelle Noam 'Bellatrix' (vamm lat. bellātrix, wat esuvell wie Kreejerin heesch) kütt et iêsch en de Werke vamm persesch-islamesche Astroloje Abu Ma'shar al-Balkhi vüê, woamet me ävve uêspronglesch 't Capella, on nit Bellatrix jemeent hätt. Späte, em 15te Joêhhonget, hätt me de Noam ävve dann aan Gamma Orionis övvetraache. 2016 hann sech d'r Internationaale Astronomesche Union iêh Metjleede jetraufe, öm ene standardiseerte Kataloosch füê alle Stäênenoame ze êstelle, woa Bellatrix dann och entjültesch si hückije Noam bekumme hätt.

Füsikalesche Eijeschaffte[Ändere · der Quälltäx ändere]

Bellatrix es ene räêt massive Stäê, met onjefäê 8,6-Moal esuvell Mass wie de Sunn. Et is met ca. 25 Mio. Joêhre noh ene relatev jonge Stäê, wat bej su en Mass ävve att ussreech, öm de janze Wassestauf en sing Bennere verbranngk ze hann on de Houprieh ze verlasse. De effektive Temperatur op si öüssere Bovveflääch deet ca. 22.000 K bedraache, wat vejliche met ons Sunn (5.778 K) êhävvlesch hühe es. Wääje deese huhe Temperature, hätt 't Bellatrix och si helle, blau-wisse Färv, die füê B-Typ-Stäêne övlesch es.

Fröher hätt me jedaaht, datt 't Bellatrix zer Orion-OB1-Stäêneassoziation jehüürt (woa z. B. och Alnitak, Alnilam on Mintaka jehüüre), meddlerwiel jlöüv me ävve, dat't eijentlesch vell nähe ligg. Wesseschafftle jonn nit doavan uss, dat Bellatrix irjendwelche Bejleiter hätt.

Kulturelle Bedöckong[Ändere · der Quälltäx ändere]

Bellatrix weed als eene van de klassesche Navigationsstäêne jezällt, die füê de Orientierong am Hemmel jenutzt wääde. Dä Stäê hätt zoademm jruße Bedöckong füê't Wardaman-Vollek en Noord-Australie, suwie füe de Inuit, woa Beteijeuze on Bellatrix denn Aanfang vamm Fröhjoê eenleede.

Enkelnoahwiesjere[Ändere · der Quälltäx ändere]

  1. 1,0 1,1 Challouf, M.; Nardetto, N.; Mourard, D.; Graczyk, D.; Aroui, H.; Chesneau, O.; Delaa, O.; Pietrzyński, G.; Gieren, W.; Ligi, R.; Meilland, A.; Perraut, K.; Tallon-Bosc, I.; McAlister, H.; Ten Brummelaar, T.; Sturmann, J.; Sturmann, L.; Turner, N.; Farrington, C.; Vargas, N.; Scott, N. (2014). "Improving the surface brightness-color relation for early-type stars using optical interferometry⋆". Astronomy & Astrophysics. 570:
  2. Tetzlaff, N.; Neuhäuser, R.; Hohle, M. M. (2011). "A catalogue of young runaway Hipparcos stars within 3 kpc from the Sun". Monthly Notices of the Royal Astronomical Society. 410 (1): 190–200.
  3. 3,0 3,1 3,2 http://vizier.u-strasbg.fr/viz-bin/VizieR-5?-out.add=.&-source=V/50/catalog&HR=1790