William Morris Hughes

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
William Morris Hughes

William Morris Hughes, (* 25. September 1862, ä Pimlico, London, England; † 28. Oktober 1952, ä Double Bay, Sydney, New South Wales) woch tösche dr 27. Oktober 1915 un 9. Februar 1923 Premiermenester va Australije.

Dä ä Ängland jeboorene Hughes wandernde 1884 no Australije us, wobeij hä z iisch ke Wärk vong un dörch öt Land trecke mood. Zo di Zitt kräät hä dr ischde Kontakt zo d Jewerkschaffte.

Hughes övvernomm als Aavjeordnete van d Australian Labor Party si ischde politisch Amt un spelld beij d Voreenijung van d Kolonideeler zo dr australische Bundesstaat ön jruuße Roll. 1904 steech hä zm Usseminester op, önö Poste, däm he bes zm Joohr 1915 behalde had.

No singe Vörjänger Fisher övvernomm hä 1915 dat Amt van dr Premiermenester. Hä drängde dorop, dat Australije, dat hä äng a Ängland bong, em Ischde Weltkresch metmischde. Sing Entscheedung, dat si Land ön vam Staat jelenkde Kreschsweetschaff kritt, vührde zo jruuße Streiks. Da sing eeje Parteij net hänger häm stong, su dat hä va sing eeje Lüüh usjeschloße wood, wood hä Vörsetzende van d Nationalist Party, ävver och do schaffde hä öt net, sing Ziile dörch z setze. Hä held sich bes 1923 ä si Amt.

No singe Röcktrett hod kenne mi jejlood, dat hä en d Politik noch ens ön Roll spelld, ävver tösche 1937 un 1940 wood hä noch ens Ussemenester.

William Morris Hughes storv am 28. Oktober 1952.

Jätt z lääse[Ändere · Quelltext bearbeiten]