Sobibór-Prozess

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Em Sobibór-Prozess wode di Persune ajeklachd, di em Vornichtungslajer Sobibór onger dä Vordachd stänge, Vorbräche bejange z ha. Öt joov drei Prozesse, di 1950 ä Berlin un ä Hamburg suwi 1960 vöör öt Landjericht Hagen stattvonge.

Sobibór-Prozess ä Berlin em Joohr 1950[Ändere · Quelltext bearbeiten]

Beij dr Prozess ä Berlin wood Erich Hermann Bauer ajeklachd, als sujenannde Jaßmeester Duzende Jüdde dörch Motoraavjaase ömjebraad z ha. Hä woch kott zövöör ä Berlin van Övverläävende us öt Lajer ä Sobibór erkannd wode. Em Prozess wood hä zm Duud vorurdeeld. Di Jesetze van di kott zövöör jejründ Bundesrepublik Dütschland leete dat ävver net mi zo, su dat hä lävenslang en öt Jevängnis jo mood. Bejründ wood dat Urdeel domet, dat nojewässe wäde kutt, dat hä ön jruuße Zaahl va Mänsche ömjebraad, sö messhandeld un zm Deel sälvs erschooße had. Dat välld onger dr alljemeene Bejreff „Vorbreche jäje d Mänschlichkeet“.

Sobibór-Prozess ä Frankfurt em Joohr 1950[Ändere · Quelltext bearbeiten]

Dörch Ussaare va Josef Hirtreiter wood öt möjelich, anger Persune us öt Vornichtungslajer Sobibór z vänge un vöör Jericht z stelle, su da töt Jericht tösche dr 6. September 1965 un 20. Dezember 1966 di Saach vorhandele kutt. Di Urdeele wode am 25. August 1965 jesproche.

  • Hubert Gomerski, dä ön net jenauer vassstellbar Zaahl va Mänsche ömbraad had, moss lävenslang en öt Jevängnis.
  • Johann Klier wood vreijjesproche. Övverläävende van öt Lajer saate us, dat hä d Jüdde döck jeholpe hod.
  • Karl Frenzel wood wäje jemeenschaftliche Mord a winnichstens 39.000 Mänsche suwi bewesse Mord a 6 Jüdde zo ön lävenslang Jevängnisstroof vorurdeeld.
  • Franz Wolf wood wäje Beihölp an dr Mord va winnichstens 39.000 Mänsche zo 8 Joohr Jevängnis vorurdeeld.
  • Erich Fuchs wood wäje Beihölp an dr Mord va winnichstens 79.000 Persune zo 4 Joohr Jevängnis vorurdeeld.
  • Alfred Ittner vorurdeelde öt Jericht zo 4 Joohr Jevängnis wäje jemeenschaftliche Mord a 68.000 Mänsche.
  • Erwin Lambert erheld ön Jevängnisstroof va 3 Joohr wäje jemeenschaftliche Mord a winnichstens 57.000 Mänsche.
  • Werner Dubois wood wäje jemeenschaftliche Mord a winnichstens 15.000 Mänsche zo 3 Joohr Jevängnis vorurdeeld.
  • Erich Lachmann wood vreijesproche, övvwahl hä am jemeenschaftliche Mord va 150.000 Mänsche beteilichd woch. Putativnutstand wood zo singe Junste usjelaad.
  • Hans-Heinz Schütt wood wäje Putativnutstand vreijesproche, övvwahl hä met dr jemeenschaftliche Mord a 86.000 Mänsche z do hod.
  • Heinrich Unverhau wood wäje Putativnutstand vreijesproche. Hä hod met dr jemeenschaftliche Mord a 72.000 Lüüh z do.
  • Robert Jührs wood opjrond van Putativnutstand vreijesproche. Hä hod met d Beijhölp am Mord va 30 Mänsche zo do.
  • Ernst Zierke, dä beij dr Mord a 30 Mänsche jeholpe hod, wood wäje Putativnutstand vreijesproche.
  • Kurt Bolender braad sich am 10. Oktober, dat heechd, bevöör ö Urdeel jesproche wood, öm. Hä wood dr Beijhölp am Mord va 86.000 Mänsche ajeklaachd.

Anger Prozesse[Ändere · Quelltext bearbeiten]

Franz Stangel, dr Övvichde em Lajer Sobibór, woch beij dr Prozess ä Hagen noch net opjetauchd un jald als vormessd. Iisch 1970 wood hä opjrond van Vorbräche ä Treblinka vöör Jericht jestald. 6 anger Persune us Sobibor stänge 1976 ä Hamburg vöör öt Landjericht, wode ajeklachd un vreijjesproche.

Prozesse jäje Trawniki-Männer[Ändere · Quelltext bearbeiten]

Zo Prozesse jäje Trawniki-Männer koom öt kott no öt Äng van dr Zweide Weltkresch. 6 Persune woode zm Duud vorurdeeld. En d Joohre 1963 un 1965 wood jäje Trawniki-Männer ä Kiew vorhandelt. 13 woode zm Duud vorurdeeld, enne zo 15 Joohr Jevängnis.

Önö Prozess jäje John Demjanjuk vong Ängß 2009 ä München a.

Jätt z lääse[Ändere · Quelltext bearbeiten]