Schluff (Bahn)

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

De Lok „Graf Bismarck XV“ fum Bou Joohr 1947

Dä Schluff eß en ahle Iesebaan en Kriewel un direk drömeröm. Hä eß bei de äählßte privaate Baahne in jannz Deutshland.

Dä Schluff es jez en Museumsbahn. För dä Bedriev zoshtänndish ess ene Vereijn, dä „Schluff und historische Verkehrsmittel Krefeld e. V.“ en Kriiwel.

Der Name „Schluff“ kütt vun „schluffe“ wie mer sish denke kann, unn dat hätt zweijelej Sinn. Wänn dä Schluff aanjedamp kütt, do kannß de n schun vun wigk her piefe hüüre, un wenn e dann nööer kütt, da hüürt sish dat aan, wie wenn jaannnz laaanngsaahm eine met singe Schluffe övver de Ääd jeschluff köhm— nuur dat dat jet louder weet, wänn hä noh eß. Ish han et selver jehoot. Dat zweijte es, dä Schluff es nit jraad flöck. Dä schluff so zo saare durrəsh de Landschaff. Ish han et nit ußßprobeet, ävver ish jleuv, nääven däm Schluff kannz e mi m Faarat jemöötlish nevven heer faare.

Wat fööjer woo

Em Johr 1868 wood de„Crefeld-Kreis-Kempener Industrie-Eisenbahn-Gesellschaft“ (CKKIE') et eetß jejründt. Em Johr 1874 hätt se widde zo jemaat. Se woo Pleite. Em Johr 1880 dann hätt de „Crefelder Eisenbahn-Gesellschaft“ (CEG) dä Laade, un de Shiene, un wat söns noch övverish woo, üvvernumme. De CEG hann se shpääder med dä neue deutsche Shriefwieß för di Stadt dann och enz en „Krefelder Eisenbahn-Gesellschaft“ (KEG) ömjenannt.

Em Johr 1914 hät de CEG jenau:

	19		Dammp Lox
	51		Waaren för Lück
	10		Packwaren
	2		Poßßwaaren
	101		offene Jööderwaaren oone Daach
	83		Jööderwaaren met Daach un Dörre
	57		Klüttewaaren
	8		Shpezjaalwaaren

jehatt. Domet hätt de KEG beß ėnn t Johr 1985 Minsche un Zeush jefaare. Dat Netz vun dä Baahn eß ävver in dä Zick jet jeschrummf woode.

Zick 1980 fiert vun Mai bes Oktoober et Sonndaachß un Fierdaachß en Musejumßbaahn op dä Verbindung zwesche St. Tönis övver Nochtbaanhoff und Hüllß noo m Außfluchßjebeet am Hülser Bersh. De Zöch sin voll. De Lück brenge ihr Faarääder met, manchmool sin di zweij Waare för de Faarääder knubbelßvoll.

Övverish eß hück, em Johr 2005, noch jenau de eijn Verbindung, prakijj alle anndere Schiene sin fott.

Em Joohr 1995 is dä Schluff ėn di Lėßß med de „Beweeshlish Dëngkmohle“ opjenůmme voode.

Websigge

Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk