Schloss Eulenbroich
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)
Schloss Eulenbroich litt em Städtche Rösrod em Berjische Land. Die nobel Adress es de Jot Stuff vum Städtche.
Wä hät hee jewonnt?
[Ändere · der Quälltäx ändere]En eeschte Burch jov et allt em 13. Johrhondert. Ene kleine Ress dovon han se beim Buddele en de Ääd jefunge. Üvver die Lück, die domols hee jeleev han, wesse mer nix.
En en ahl Urkund vun 1401 es dä Name Stael von Holstein dokumenteet. Die Famillich Stael von Holstein hät en zweite Burch met Wasser dröm eröm jebout. Bes 1762 hät die Famillich en Eulenbroich jewonnt.
Dan kom Johann Werner Freiherr von Francken un hät us dä ahle Burch usem Meddelalder e schön Barockschlössje jemaat.
Vun 1851 aan wor Schloss Eulenbroich zickwielich et Bürjermeisteramp vun Rösrod. Dä Bürjermeister Robert Rohr kom us Kölle. He hott do en Fabrik.
1908 es Emil Biedermann en Eulenbroich enjetrokke. Tirek nevvenaan hätte dan en Ledderfabrik jebout. Demm kölsche Architek Hermann Pflaume (d.J.) hätte dä Auftrach jejovve, dat Schlössje ömzeboue. Erusjekumme es dobei en staatse Villa för ze strunze.
Nom Zweite Weltkreech wonnten en demm Jebäude beljische Mädche. Die jinge em benohberte Haus Venauen en dr Schull.
Vun 1955 aan hät för en lang Zigg keiner en demm Huus jewonnt. Dobei es dä Bou ärsch erungerjekumme. En düür Renovierung wor nüdisch, domet Schloss Eulenbroich 1984 för de Rösroder Bürjer zojänglich jemaat weede kunnt.
Die Pooz
[Ändere · der Quälltäx ändere]
Die Pooz vum Schloss Eulenbroich es quasi dat Wohrzeeche vun Rösrod. Wann de Rösroder Bürjermeister ene Bref schriev, dan es en demm Brefkopp dat Logo vun dä Pooz avjebild. Die Pooz fingk mer och allewähs op Plakate udder Fessschreffde. Och op de Websigg vum Städtche es die Pooz ze sinn. Schablon:Clear
Hückzodaach
[Ändere · der Quälltäx ändere]
Hückzodaach kamer en Eulenbroich standesamplich hierode un donoh em Schloss met alle Mann öntlich Huhzigg fiere. Alle naslang weede kulturelle Veraanstaltunge aanjebodde. Kunsausstellunge, Thiaterstöckelche, Literaturovende un Musik jitt et ze basch. De Musikschull Rösrath/Overath es en Eulenbroich zo Hus. Usserdemm jitt et noch en richtije Zauberschull em Schloss. En dä Pooz hät de Jeschichtsverein si Bürro. Schablon:Clear
För et Böcherschaaf
[Ändere · der Quälltäx ändere]- Geschichtsverein Rösrath (Hrsg.): „Haus Eulenbroich - Von der Burg zum Bürgerhaus“. Schriftenreihe des Geschichtsvereins Rösrath Band 11. Rösrath 1984