Pelagische Insele

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Laach van d Pelagische Insele

D Pelagische Insele send ön Jrupp va Insele, di em Meddelmeer tösche Tunesie, Malta un Sizilie liije. Sö entstänge us Vulkane.

Kikkt mo sich d Laach a, su jehüüre sö zo Afrika. Sö send ävver dr südlichste Deel va Italie. Zo di Inseljrupp jehüüre d Insele Lampedusa met hör Velseinsel Isola dei Conigli suwi Linosa un Lampione, wobeij ävver mä op Lampedusa Mänsche lääve. Em Joohr 2009 wore öt 6.170 Persune.

Planze un Deere[Ändere · der Quälltäx ändere]

D Sommere op d Pelagische Insele send heeß, un öt väld komm Rähn. Dat vüührd dozo, dat völl Planze us Afrika do waaße. Dozo jehüüre Kaktee, di öt ä Europa nett jitt. Manche Planze jitt öt weltwitt mä op di drei Insele.

Am Strand van d Pelagische Insele lääd d Karettschildkröt hör Eier aav, watt dozo vührde, dat jruuße Deele van dr Strand zm Schotzjebiit ernannd woode.

Weetschaff[Ändere · der Quälltäx ändere]

Jeld weed op d Pelagische Insele met Veschvang vordeend. Usserdäm kann mo als Buur övverlääve. En d leitzde Joohre koome och Turiste op d Insele, di ön Möjelichkeet boone, a Jeld z komme.

Jätt z lääse[Ändere · der Quälltäx ändere]