Ovid

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ovid tösche dö Skytians, jömold va Eugène Ferdinand Victor Delacroix em Joohr 1862

Publius Ovidius Naso (* 20. Määz 43 v. Chr. ä Sulmo; † 17 n. Chr. ä Tomis) wood kott Ovid jönannd. Hä woch önö Dichter em au Rom.

Sii Lääve[Ändere · Quelltext bearbeiten]

Ovids Papp, önö huhe Häähr, dä zo d Ritter zalld, woohl, dat Ovid Beamte wood. Ovid vong en dä Berof zwar a, broch ävver aav un wood Dichter. At zo di Zitt leed sisch met Jedichte alleen net jönoch Jeld vordeene, öm zö övverlääve. Hä vong önö Jeldjevver ä Messala Corvinus.

Ovid hiirode dreimol, di ischte beede Ehe woode jöscheede. Us di zweide stammde enn Doohter. Isch sing dreide Ehe held bes zo Ovids Duud. 8 n. Chr. wood hä op Böschloss va Kaiser Augustus no Tomis, watt hü Constanţa heechd, aavjöschobe. Önö Jrond dovöör wood häm net jönannd. Hä noom ävver a, dat ö Jedicht, dat hä jöschrävve hod un dä Naam carmen et error drooch (op Ripuaresch Ö Jedicht un önö Vähler), dozo vüührde. Aujustus hod vorstange, dat Ovid sisch övver dä Bejreff Famelisch löstisch jömaad höd. Zosätzlich es öt möjelich, dat Ovid jätt van ö Küddelche ervaahre hod, dat öt Enkelkengk va Aujustus jöhad hod.

Ovid vorsood si Lääve lang, no Rom zöröck z komme, ävver Aujustus un och singe Nachfoljer Tiberius leete dat net zo.

Ovid es öm öt Joohr 17 n. Chr jöstorve. Ä enne van sing leitzde Breefe, di övverlävverd send, sprechd hä dovan, schwoch krank zö se.

Ovids bökanndste Jedichte[Ändere · Quelltext bearbeiten]

  • erotische Jedichte van d Leevde (Amores)
  • usjödaahde Breefe van önö Helde (Heroides)
  • D Kunst van d Leevde

Jätt z lääse[Ändere · Quelltext bearbeiten]