Model

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Zwei Manneköns

Ö Model es önö Berof, dä dozo deend, singe Liiv zo zeeje, öm dodörch Reklame zö maache, mi zö vorkloppe övv dö Schünnheed hervörzöhävve.

Zoote va Models[Ändere · Quelltext bearbeiten]

Mannekön[Ändere · Quelltext bearbeiten]

Ö Mannekön es ön Persun, di hööre Liiv zeechd, öm z. B. Kleer z zeeje, öt Volk kloor z mache, wi di neu Saache aajötrocke ussend. Dobeij spelld öt kenn Roll, övv dat Mannekön vöör d Kamera steehd, öm dat watt öt do söll, op Belder övv op önö Laufsteech zö zeeje.

Fotomodel[Ändere · Quelltext bearbeiten]

Onger dä Böjreff Fotomodel välld jädde Persun, di sisch fotojrafiire lädd, öm met dat Beld Werbung z maache, jeld dödörch z vordeene övv dr Omsatz z erhühe.

Modele en d Kunst[Ändere · Quelltext bearbeiten]

Model en d Kunst

A sisch valle Modele en d Kunst net onger dä Böjreff Model. Sö deene net dozo, Werbung z maache övv mi zö vorkloppe. Seij send mä dozo do, öm d Kunst z deene, dä Künstler di Möjelichkeet z beene, dat zö mole, watt hä vöör si Beld, sing Idee brutt. Su es vöör d Aktmolerei ön Persun, öt Aktmodel, nüdisch, di reuisch stoh kann.

Nackt- un Erotikmodel[Ändere · Quelltext bearbeiten]

Nackt- un Erotikmodels koome dörch Ziidunge wi dr Playboy op, di nackte Persune zeechde, öm domet dr Leser azöträcke. Hä solld Spass an di jözeechde nackße Persune vänge, di Ziidung dodörch koofe un Werbung, di en di Ziidung vorstoche es, zosätzlich lääse.

Supermodel[Ändere · Quelltext bearbeiten]

Supermodel Gisele Bündchen

Dr Naam va Modele kennd mo döck janett. Weed ö Model ävver su bökannd, dat van hem jömuld weed, dat dä Naam zo enne Böjreff weed, dann sprechd mo beij önö huhe Bökanndheetsjrad van öt Supermodel. Zo di Jrupp jehüüre Persune wi Alessandra Ambrosio, Heidi Klum un Gisele Bündchen.

Öt Äkomme[Ändere · Quelltext bearbeiten]

Jooh Modele wääde siihr jott bözaahld. Öt had sisch ävver jözeechd, dat en dä Berof, angisch als ä völl anger Berofe, dö Vraue besser bäzaahld wäde als dö Männer.

Watt öt Modele schwoch maad[Ändere · Quelltext bearbeiten]

Wä als Model, Modele en d Kunst send do usjönomme, werke well, dä moss schünn usseeh. Dat bödüüt, dat sö net deck se dörfe. Öm d beitzdmöjeliche Fijur z kriije, dönt Modele öff mi als nüüdisch. Aavnämme, aavnämme un wärm aavnämme, dat vüürd döck dozo, dat sö krank wäde, majersüchtig, wi d Wesseschaff sätt.

Jätt z lääse[Ändere · Quelltext bearbeiten]