Mérida

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Mérida, watt dr kotte Naam vöör Santiago de los Caballeros de Mérida es, es ön Stadt ä Venezuela met onjeväär 220.000 Bewonner.

Wo Mérida litt[Ändere · Quelltext bearbeiten]

Mo vängd di Stadt en ö Tal en d Ande, ömjävve va d Sierra Nevada em Südoste un d Sierra La Culata em Südweste. D Flöss Río Albarregas em Weste un Río Chama im Oste belde d Jrenze zo di anger Siije. Dä met 4.981 Meter hükßde Berch va Venezuela kann va Mérida us jeseeh wäde.

Wi d Stadt opjebouwd es[Ändere · Quelltext bearbeiten]

Dörch sing äng Jrenze zo alle viir Hemmelsrichtunge kutt sich d Stadt komm entweggele, su dat jedde Möjelichkeet jenotzt wood, Hüüser irjends häzösetze. Bes op dr janz alde Deel va Mérida jitt öt doher komm Strooße met Süstem. Alles werkd weld un onjekromt. Opvallend es, dat a völl Stelle Parks un Bende send, watt vöör öt Oohr önö joe Ädrock maad.

Jätt va vreuer[Ändere · Quelltext bearbeiten]

Mérida em Joohr 1899

Am 9. Oktober 1558 wood Mérida va dr Spanijer Juan Rodriquez Suárez jejründ, dä di Platsch no sing Heemöt bönannd. Sälvs zwei Flöss Albarregas un Guadiana send Naame us Spanie. Di Platsch, a dör Mérida beij d Jründung loch, weechd van Méridas jetzige Platsch aav. Dat litt dora, dat däm em 1559 vorlaad hod. Usserdäm wood dä Naam noch ö paar Mol jeändert, bes dat dä beij Santiago de los Caballeros de Mérida bleed.

Bekannde Lüüh us Mérida[Ändere · Quelltext bearbeiten]

Zo d bekanndste Mänsche, di ä Mérida jeläävd hand, jehüre Ignacio Andrade, dä tösche 1898 un 1899 Präsident van öt Land woch, Román Delgado Chalbaud, önö Jeneral, d Schriiver Tulio Febres Cordero un Mariano Picón Salas suwi d Komponistin Alba Quintanilla.

Wat mo sich akikke soll[Ändere · Quelltext bearbeiten]

Catedral de Mérida

D Catedral de Mérida, ön jotische Kerch us öt Joohr 1803 solld sich dr Turist ajekekke ha. Usserdäm luhnd öt sich, met d Teleférico de Mérida, ön Seelbahn op dr 4.765 m huhe Pico Espejo z vaahre. Domet wäde op ön Längde va 12.5 km onjeväär 3000 Höhemetere övverwond. Domet es öt d zweidlängßde op d Wält. Em Joohr 2008 wood sö ävver stelljelaad. Sö woch bouwvällich wode un moss wärm ä Schuss jebraad wäde. Wä beij öt Flaneere dörch d Stadt Loss op ö Iiß kräje had, dä vängd dat en öt Heladería Coromoto, önö Lade, dä 800 Zoote aabeent. Sälv 2 Nationalparks, dr Sierra Nevada un dr La Culata liije en d Nöhde va Mérida.

Schülle[Ändere · Quelltext bearbeiten]

Mérida had met d Universidad de Los Andes ön Universität met 40.000 Studente.

Bewonner[Ändere · Quelltext bearbeiten]

Mérida had hüü öm d 210.000 Bewonner. Di Zahl loch 1950 noch beij ca. 50.000. Opjrond van d Landflocht steech d ävver flott a. D Mänsche hodde jehoffd, en d Stadt leeter Jeld vordeene z könne.

Jätt z lääse[Ändere · Quelltext bearbeiten]