Henny Porten

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Henny Porten

Henny Frieda Ulricke Porten (* 7. Januar 1890 ä Magdeburg; † 15. Oktober 1960 ä Berlin) woch ön dütsche Schauspellerin un wood dörch hör Filme en d Stommfilmzitt bökannd.

Hör Lääve[Ändere · Quelltext bearbeiten]

Henny wood zwar ä Magedeburg jöboore, läävde do ävver mä ee Joohr, iih sö met hör Äldere en dr Ruhrpott trock. 1895 jäng dö Famelisch dann no Berlin. Am 10. Oktober 1912 hiirode Henny dr Schauspeller K. A. Stark, dä ävver 1916 em Ischde Weltkresch storv.

1924 hiirode Henny dr Jüdd Wilhelm von Kaufmann-Asser. D Nazis woohle hör zwänge, sisch va häm z trenne, ävver Henny joov hörö Mann net op.

Henny un hör Filme[Ändere · Quelltext bearbeiten]

Dörch önö Vrönd van hörö Papp, dr Produzent va Filme Oskar Messter, liirde Henny öt Lääve vöör un henger d Kamera kenne. 1906 stäng sö öt ischde Mol vöör ön Kamera, ävver hörö ischde Film met ön jrüüßere Roll woch Meissners Porzellan em sälbe Joohr. Öt durde net lang un sö wood d bökanndste Schauspellerin ä Dütschland en d 1910er Joohre.

Zo hör bökanndste Filme jöhüre Anna Boleyn un Kohlhiesels Töchter. 1919 maade Henny hör eeje Filmjösellschaff op, di sisch ävver mä bes 1925 held, iih sö sisch met ön Jösellschaff va Carl Froehlich zösammedäng.

D Nazis maade hör öt Lääve schwoch, ävver dat stüürde Henny net. Sö driihnde wiir Filme. No dr Zweide Weltkresch werkde Henny Porten vöör d DEFA.

Tösche 1906 un 1955 spellde Henny Porten ä 173 Filme met, 26 wode va hör produzeerd.

Jätt z lääse[Ändere · Quelltext bearbeiten]