Georges Méliès

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Georges Méliès (ca. 1890)

Georges Méliès (* 8. Dezember 1861 ä Paris; † 21. Januar 1938 ä Paris) woch önö Zauberer un Filmregisseur. Hä bösoss ö Theatr un wood dörch sing Stommfilme am Äng van öt 19. un Aavang van öt 20. Jahrhondöt bökannd.

Sing Kengkheed[Ändere · Quelltext bearbeiten]

Georges Méliès wood als Kengk va rische Äldere jöboore un solld d Fabrik va singe Papp övvernämme. Ön Zitt ä London z werke solld häm helpe. Öt zeechde sisch ävver bald, dat hä völl Zitt em Theatr vorbrengd un met Zauberei z do had, watt hä dobeij erliird.

Zöröck no Paris[Ändere · Quelltext bearbeiten]

Als hä wärm no Paris kütt, övvernemmd hä d Fabrik va singe Papp un schingd sisch jott met d Maschine us z kenne. Hä kömmert sisch ävver och öm Maschine, di met Zauberei z do hand un no ön Zitt zaubert hä sälvs em Theatr.

1885 hiirod Méliès un als singe Papp di Maschinefabrik a häm un sing 2 Brööhr vorärvd, vorkoovd hä singe Deel an sing Jeschwistere. Van dat Jeld koovd Georges Méliès sisch öt Théâtre Robert-Houdin. Hä hod ävver net erwaad, dat dat Theatr en di ischde Joohre kee jeld aavwerpd. Zo di vass Ajestalde em Theatr jehood och Jeanne d'Alcy, di hä no dr Duud va sing ischde Vrau hiirod.

Am 28. Dezember 1895 sitt Méliès öt ischde Mol Filme, di d Brööhr Lumiere zeeje. Hä darf di ävver net koofe un kütt iisch övver dr Ömwäch London zo önö Projektor un ö paar Filme, di hä ä si Theatr zeechd. Met önö ömjebouwde Projektor driihnd hä sing eeje Filme. Dr ischde, met dr Naam „Une partie de cartes“ wood em Joohr 1896 jömaad. Ängß 1896 maad hä si eeje Studio un ön Produktiunsfirma op, di öm d 500 Filme bes 1912 örussjitt. 250 dovan send bes hüü erhalde.

Sing bekanndste Filme[Ändere · Quelltext bearbeiten]

Méliès bökanndste Filme send: Le Manoir du diable (1896); Les Rayons Röntgen (1898); Cléopâtre (1899); Jeanne d’Arc (1899) un Die Reise zum Mond (Le voyage dans la lune) (1902).

Em Joohr 1912 moot hä zo mache. Di Filme van d Pathé un us Amerika send su bellich, dat hä sisch net mi op dr Maad halde kann.

No sing Filmzitt[Ändere · Quelltext bearbeiten]

Nodämm hä öt Filme opjöjovve had wood hä joohrelang vorjeiße. Georges Méliès hiirode Jeanne d'Alcy. Met hör werkde hä en ö Spellzüschjeschäff. Isch en d 30er Joohre tauchde sing Filme wärm op un hä krääd önö Orde vöör si Werk.

Georges Méliès storv am 21. Januar 1938 ä Paris.

Jätt z lääse[Ändere · Quelltext bearbeiten]