D Ädäppelseißer

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
D Ädäppelseißer

Dat Beld D Ädäppelseißer molde Vincent van Gogh em Joohr 1885 ä Nuenen.

Wi öt zo dat Beld koom[Ändere · Quelltext bearbeiten]

Vincent van Gogh hod en di Zitt at hondöde Belder un Zeechnunge jömaad. Völl zeeje Bure bei öt Werk. Meeßd send dobeij enkele Persune aavjöbeld. Jruppebelder jitt öt winnije. A enne Ovend em Februar övv Määz koom van Gogh zovällich en öt Huuß van d Famelisch de Groot, Vrönde, di em Dörp wonnde un va dönö hä at döck Belder jömaad hod. Famelisch de Groot woch jraad dobeij, zö ovvend z eiße. Öt joov Ädäppel un all sooße sö öm di Pann öröm, di op dr Desch stäng. Viir Persune, dat woore Cornelia de Groot, höör zwei Brööhr un d erwaaße Doohter. Vincent jöveehl ävver net, dat op dat Beld ön lääch Ställ woch, di stüürde häm. Su satz hä noch ö kläng Mäddche (met dr Rück zo dr Bötrachter) dozo, dat öt janet jöjovve had.

Vincent joov sisch völl Mööhte met dat Beld. Önö ischde Entworf maade hä noch an dr Desch, als sö all doröm sooße. Önö zweide entstäng us singe Kopp en öt Moolzemmer. Öm dat Beld, dat hüü em Rijksmuseum Vincent van Gogh ä Amsterdam hängd, zö mole, brudde Vincent ö paar Wääche. Dat es lang vöör ön Persun, di döck ee övv zwei Belder ö enne Daach väädisch kräät.

Watt dat Beld ussaare solld[Ändere · Quelltext bearbeiten]

Vincent woohl met dat Beld zeeje, dat di Lüüh, di op dat Beld z see send, vöör hör Eiße brassölö moote, dö Scholl sälvs böställä moote. Dat Beld solld – no dö Wööd va van Gogh – öt Werk va dö Häng un öt Eiße, dat sö jöschaffe hand, priise. Öt soll dovör sorje, dat d Lüüh nodenke, sisch kloor maache, dat dat Lääve op öt Land jätt janz angisch es als dat, watt dä Mänsch en d Stadt erläävd. Vöör Vincent spelld öt kenn Roll, övv dat Beld dö Lüüh jott jöveel övv net.

Watt us dat Beld wood[Ändere · Quelltext bearbeiten]

Vincents Broohr Theo vorsood dat Beld zö vorkoofe. Hä vong ävver kenne, dä öt ha woohl. Hüüh zelld dat Beld zo dö bökanndste va van Gogh.

Jätt z lääse[Ändere · Quelltext bearbeiten]

Titel: Van Gogh, Autor: D.M. Field, XXL Edition