Carúpano

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Kerch va Carúpano

Carúpano es ön Stadt an d Karibik-Köst va Venezuela em Bundesstaat Sucre. Sö litt önjeväär 120 km östlich va Cumaná, d Landeshauptstadt. Carúpano had öm d 170.000 Äwonner, woronger opjrond van d Universität (UDO) un ön Fachhuchschüll övverdörchschnettlich völl jong Lüüh send.

D Stadt läävd van d Turiste un dr Veschvang, usserdäm vam Vorkoov va Kakao, Kaffee, Boohmwoll un Rum. D Stadt es önö ideale Ussjangsponkt vöör Lüüh, di ongerwääß dörch Venezuela send. Viir Schotzjebiite liije en d Nöhde van d Stadt, doronger d Paria Halvinsel, dä wi öt Orinokodelta ussseehende Nationalpark Turuepano, suwi Mochima un d Guacharohöhle.

Am 7. Dezember 1814 leed Simón Bolívar ä Carúpano d Sklave vreij. Och Christoph Kolumbus hod op sing dreide Reis en d Regiun beij Macuto z iisch un öt enzije Mol amerikanische Boohm betroone.

Vöör d Jeschichtsbösch wichtich es öt ischde Ongerwasser-Kabel, dat em 19. Jahrhondöt Amerika un Europa vorbong. Öt leev va Marseille ä Frankreich bes no Carúpano. Dat Kabelhuuß (Casa del cable) em alde Stadtkäär kann hüü noch bekekke wääde.

Am 4. Mai 1962 koom öt ä Carúpano zo d „Carupanazo“, önö Militäropstand jäje Rómulo Betancourt, dä ävver no enne Daach neerjeschlaare wood[1]. 400 Opständije woode vorhaft, 6 storve un 15 woode vorletzd[2]. Zo dönö jehoote Aavjeordnete van d kommunistische Partei, d PCV, un d MIR, su dat beede Parteie vorboone woode.

Jätt z lääse[Ändere · Quelltext bearbeiten]

Quelle[Ändere · Quelltext bearbeiten]

  1. Venezuelatuya
  2. Aporrea.org


Der Wikipedija ier Logo Hee dä Atikel eß anfänglesch översatz uß de Wikipedija op Döütsch