Asteroid

Uß de Wikipedia
Hee di Sigg_is_op Trooßdoorfer Platt
(Sigge op Trooßdoorfer Platt)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Ene Aßteroiit, Asteroiid oder och Asteroid ees ene planneetenäähnlische Körrper dä en_ener Ömlaufbaan öm de Sunn ess.

Se werden och noch als Planetoiit oder Kleenplanneet bezeichnet.

Em Moment sin unjefähr 220 000 Aßteroiide bekannt. De Weßßenschaftler schätze äver, dat et över_en Million sin. Se verdeeile sich över et janze Sunnesystem. Et jitt allerdings zwei Hauptballungsräum. Dat ees dä Asteoridejüddel zweesche Machß un Juppitter un dä Kuiperjüddel, dä sich hinger der Ömlaufbaan vum Nepptuun befink. Äver och noch en andere Ecke sin Asteroide ze finge.

Aßteroit Ida un singe Moohnd Dactyl

Wie sin se entstande[Ändere · Quelltext bearbeiten]

Lang hätt me jejlööv de Aßteroiite us em Asteoridejüddel wären noh enem Zesammestuuß vun zwei Planneete entstande. Dat kann äver nit sin, weil die Masse vun dä Aßteroiide insjesamp noch kleener ees als die vun unserem Moond. Doher nimp me aan, dat dä Juppitter durch sing starke Schwerkraff dofür jesorch hätt dat sich dä Stüb un Dreck nitt zo enem Planneet zesammeklummpe kunt. För dä Kuiperjüddel ees et ähnlich nur dat dä Juppitter nit esu veel domit ze dun hätt.

Wodruss besteht su ene Aßteroiit ?[Ändere · Quelltext bearbeiten]

Ene Aßteroiit besteht em wesentlische us verschieden Jesteinsaarte. Hauptsächlich kumen Kohlenstoffverbindunge un Silikate für. Dä Keern vun enem Aßteroiit besteht öff uss ungerschiedliche Metalle. Miistens Iise.

Trojaner[Ändere · Quelltext bearbeiten]

Dat ees en Grupp vun besundere Aßteroiide die op dä jlische Ömlaufbaan öm de Sunn sin wie ene Planneet. Dobei befingen se sich en enem bestimmpte Punk dä vun de Weßßenschaff Lagrange-Punk jenannt witt. Berühmte Trojaner vum Juppitter heeßen Aeneas un Achilles. Och dä Machß hätt ene Trojaner dä Eureka jenannt witt. Et jitt äver noch mieh dovun em Sunnesystem. Trojaner vun de Ääd sin bees hück noch nitt bekannt.

Zentauren[Ändere · Quelltext bearbeiten]

Zweeschen Urranuß un Satturrən befingen sich de Zentauren. Dat sin Aßteroiide die wahrscheinlich us_em Kuiperjüddel stamme un vun dä Schwerkraff vun dä Planneete en die jetzije Ömlaufbaan jetrocke wutten.

Vulkanoiden[Ändere · Quelltext bearbeiten]

De Vulkanoiden sin leider noch nitt beobachtet wudde, äver meh jeeht zemindest theoretisch dovun uss dat se innerhalb vun dä Merrkurbaan existiere donn.

Wie jruuss sin die Asteroide?[Ändere · Quelltext bearbeiten]

Die Aßteroiide sin em Schnitt nitt jrüüsser als 100 km em Doorchmesser. Et jitt natürlich och welche die deutlich jrösser sin. Dat sin de zehn jrüützte:

De zehn jrüützte Aßteroiide
Nommer Name Doorchmesser
(km)
1 2003 UB313 3200
2 2005 FY9 2200
3 Orcus 1700
4 Sedna 1700
5 2003 EL61 1600
6 Quaoar 1250
7 Ceres 960
8 Chaos 740
9 Pallas 608
10 Varuna 600

Dä Asteroid 2003 UB313 witt och Planet X jenannt. Hä ees met 3200 km em Doorchmesser jrüsser als dä Pluuto. Deswejen striggen sich de Weßßenschaftler emmer noch doröm op dä Aßteroiit wirklisch nur ene Aßteroiit oder ob hä dä zehnte Planneet in unserem Sunnesystem ees.

Luur och[Ändere · Quelltext bearbeiten]

Unß Sunnesystem
Steern | Planneet | Moond | Aßteroiit | Kommeet | Zwerchplaneet
Sunn | Merkur | Veenuß | Ääd | Mars | Asteoridejüddel | Ceres | Juppitter | Saturn | Urranuß | Nepptuun | Pluuto | Kuiperjöödel | Eris | Oochtsche Wullək
Metallurgy stub icon.svg Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk