Wikipedia:Wie schriev mer dat?/Jeschrevve wie beim Wrede oder bei der Akademie för uns kölsche Sproch

Uß de Wikipedia
Dä Aatikkel heä hätt dat jleijsche Thema wi Wikipedia:Schrievwies/Kölsch-Akademie-Wrede. Do wollz hülpe, datt uffzelööse? Dann kannz do di Aatikkel zesammemoodele odder drenne, wi datt dat bäßßer wöör.


Wa'mer sich de aktuelle Kölsch-Literatur beluurt, dann jitt et zwei sprochwesseschaffliche Quelle, wo mer die Wööder miestens widderfinge kann. Fingk mer se nit em Wrede dann fingk mer se bei de Akademie för uns kölsche Sproch.

Wat för en Schrievwies em Momang bei denne Mundaatdeechter ze finge es, süht mer janz jot en däm Asterix op kölsch:


em Asterix Sigg bei de Akademie Sigg beim Wrede Sigg
Daach
(5)
Dag
(143)
Dach
(A-J, 121)
Dör
(20)
Dür/Dör
(166)
Dör/Dür
(A-J, 146)
drage
(18)
drage
(156)
drage
(A-J, 148)
Famillich
(15)
Famillich
(240)
Familich
(A-J, 207)
fuffzich
(11)
fuffzig
(264)
fuffzich
(A-J, 258)
ha'mer
(27)
ha'mer
(294)
hammer
(A-J, 328)
jäje
(7)
gäge
(267)
jäje
(A-J, 267)
janz Jallie
(4)
ganz
(269)
janz
(A-J, 269)
jot
(12)
god
(284)
jot
(A-J, 305)
Moleste
(33)
Moleste
(406)
Moleste
(K-R, 202)
et nöchste Mol
(19)
et nächste Mol
(413)
et nöchste Mol
(K-R, 233)
nohfroge
(14)
nohfroge
(420)
nohfroge
(K-R, 235)
nüdich
(22)
nüdig
(426)
nüdich
(K-R, 239)
öntlije
(9)
ööntliche
(437)
öntlije
(K-R, 255)
sööke
(16)
söke
(518)
söke
(S-Z, 97)
suzesage
(25)
suzesage
(536)
su ze sage
(S-Z, 5)
uusserdäm
(31)
usserdäm
(567)
uußerdemm
(S-Z, 187)


Die Zahl en Klammere es die Nummer vun der Sigg op der mer dat Wood fingk. En däm Impressum vun däm Asterix op kölsch steiht: Us däm Französische un Huhdütsche en et Kölsche üvversatz: Alice Herrwegen, Ingeborg Nitt, Volker Gröbe, Gerd Schumacher. Dat Alice Herrwegen hät och de Fingere dren bei de Akademie för uns kölsche Sproch.

Dä Bochstav G[der Quälltäx ändere]

Och wann dat de Akademie jän anders hätt ... dat G am Aanfang vun enem Wood weed jewöhnlich met J jeschrevve. Zom Beispill: jradus, Joldstöck, jriemele.

Am Engk vun enem Wood weed dat G wie ch jesproche. Un su schrieve dat och de mietste Autore. Zom Beispill: Daach, Wäch, bellich.

Opjepass: Dat G meddendren sprich mer wie R, mer schriev et ävver nit esu. Nit beim Wrede un och nit bei de Akademie. En beidse Quelle sin die Wööder met G ze finge. Zom Beispill: drage, sage, froge.