Putin chuilo!
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)
.jpg)
Putin chuilo! oder Putin huilo! (en ukrainische Schreff Путін – хуйло! un en russische Schreff Путин – хуйло!) heiß wöödlich övversäzz „Putin Pimmel!“, usgeschrevve „Putin is ene Pimmel!“. Et is ene russische oder ukrainische Sprechgesang, öm de russische Präsident Wladimir Putin ene enzescheppe.[1] Em russische Offensivkreeg gäge de Ukraine woodt dä Begreff och en de ressliche Welt bekannt.[2][3][4][5]. De Töön kumme vun däm Leed Speedy Gonzales vun 1961. Dat wor en Amerika ene Flop, ävver in Deutschland kom dä Rex Gildo domet op de eetste Platz vun de Bravo-Hitparad.[6][7][8]
Geschichte[Ändere · der Quälltäx ändere]
2014 han de Russe sich de ukrainische Halvinsel Krim unger de Nähl geresse. Do woren de Ukrainer nit met enverstande, un so däte se ööntlich op de Putin schänge. Dä Begreff „Putin chuilo“ heeß wöödlich övversetz „Putin Pimmel“. Dat es et ävver nit all. En Russland givv et ene Sprooch för ze schänge, de „russische Mat“. Dat sin nur vier Wööd, äver en de russische Sprooch künne se us de vier Wööd unglaublich ville andere Usdröck avleite. De vier Wööd sin „Pimmel“ (хуй oder chui), „Funz“ (пизда oder Pisda), „ficke“ (ебать oder Jebat') un „Hur“ (блядь oder Bljad). Bljad kann och met Schnall oder Trottoirschwalv övversäzz weede, un em Russische weed et off gesaat, wo de Kölsche einfach Dress säät. Nu kommp et: de Russe sin zemlich fimschig, wenn die vier Wööd gebruch wäde. Se öffentlich zo sage oder zo schrieve git ööntlich Kasalla! Dat is nit enfach esu wie op Kölsch, wo de evvens "Do Pimmel" sage kanns, un dann met däm andere e Hääregedeck (Kölsch un Klore) drenke geihst.
In enem sigg Määz 2014 in de Ukraine zemlich bekannte Sprechgesang weed Putin mit däm Usdrock aangegange.[9] Selvs enem Stään han ukrainische Stäänekicker dä Nam Putin-Huilo! gegovve.[10] Dä Usdrock woot bes hück en ene Rötsch vun Leeder un Aktione opgenomme.[11] Em Juuni 2014 han de Russe övver Luhansk (dat es ene Deil vun de Ukraine, dä zo Russland gehöre well) ene ukrainische Militärfleeger avgeschosse. En Kiew gov et dorop Demonstratione vüür de russische Botschaff. De ukrainische Außeminister saat de Demonstrante, se künnte Putin ene Pimmel nenne, ävver se dürfte kein Stein werfe.[7] De Russe wullte dat dä Außeminister dofür geschaß weedt.[12] Em Oktober 2014 han se en Belarus öm 40 Lück verhaff, dorunger 15 us de Ukraine, weil se Putin chuilo gesunge hatte.[13] Domet esu jet nit mieh passiere kann, singe se jetz nur noch La, la, la, la, la, la met de Musik, un alle Lück kapiere wat gemeint es.
Websigge[Ändere · der Quälltäx ändere]
Woher mer dat wesse[Ändere · der Quälltäx ändere]
- ↑ The Etymology of the Word: “Huylo” (as in “Putin Huylo”) Voices of Ukraine
- ↑ Some Smile, Others Squirm As Obscenity Becomes Latest Rallying Cry In Ukraine Crisis. Radio Free Europe/Radio Liberty
- ↑ Про міністра-дипломата Дещицю заговорив світ. Радіо Свобода
- ↑ PUTIN HUILO! To The Point News
- ↑ Чи знає Путін, що він – «х*йло»? Радіо Свобода
- ↑ Günter Ehnert: Hit Bilanz – Deutsche Chart Singles 1956–1980. Norderstedt: Verlag populärer Musik-Literatur 2000, Sigg 443
- ↑ 7,0 7,1 ‘Khuilo’: The offensive term that has attached itself to Putin. En: The Washington Post.
- ↑ Football fans in Barysau: 'Long live Belarus', 'Glory to Ukraine', 'Putin kh**lo'. Belsat.eu
- ↑ Ukrainian diplomat uses swear word for Putin, delighting protesters and angering Moscow. En: The Washington Post.
- ↑ Kosmische Beleidigung: Ukrainer nennen Stern „Putin ist ein Arschloch“. Focus.de
- ↑ Ein Stern namens «Putin, das A***loch». L’essentiel Online
- ↑ Poroschenko will Aussenminister entlassen «Putin Chuilo» geht nicht. En: Neue Zürcher Zeitung. 18. Juni 2014.
- ↑ Damien Sharkov: 42 Football Fans Arrested After Anti-Putin Song Breaks Out in Belarus-Ukraine Match. In: Newsweek. 10. Oktober 2014.