Klaaf:Windeck
Ne neue Afschnet onge drahn!Et oss mer natürlich een Dohn, alles üvver enen Windecker Dialekt opzeschrieven, dän et su doch gar nit git. En Windeck sin'r jo chanz ungerscheedlije "Ethnien" am queiselen, mööt ech ess saren. Ech schwätzen et "Dattefelder Platt", en Platt, dat em Kiiechspell jewaßen ess. De Lück trofen sich am Sunndaach für de Kiieche, Lück vam Dorep, d'm Dall, Dreesel, Schloderen, Präsidentenbröcke och - luuer ess aan! -, van d'r Jucht, vam Hohn, van Raußel, Wilberhovven un Hoppegaden. Lutter kattullisches Vullek. Noh d'r lateinischen Mess - och noch während! - zoch et d'n een oder anderen, am Eng enen Hoof en de Poss, nom Höffer, nom Abel, nom Hulschbaach, op de Kirmes, en d'n Karneval ..., jedevalls troof mer sich un däät sich usstuuschen. Duur die Rejelmäßigkeet, met der m'r dat däät, kunnt och en verlässlich Platt opkunn, dat sich öm, nit in, uusem Siechtaldom avspellen däät. Hä oss et Zentrum, öm dat sich alles dräht. Natürlich han se ze Heerchen och esu en Platt, dat sich mom Dattefelder nix deht. Kumm ävver ess op de Hüh, wo de "Elektrischen" wahnen un de "Luddevikkes". Do sammelen se des Summerdaachs kin Hompelder oder Bromelder, nä, die plöcken op d'n Stupp Himpelder un Breamelder en ihren Daiel. Die fahren och nit - wie mir - noh Eetorf, nä die "fähren noh Eetref". Küss de noh Lösched, Leutescheid, do jöcken se et noch andesch: een "Ä" jaacht dat andere: "Op un äen, spännt d'n Häehn! Nä, wat en löstijen Jägersmäen. Höenerschäll, Böchsenknäll üvver Berch un Täl." Et Keethe verzohl mer noch, wie en löschender Mädschen vüür'm Kreech do reef: "Mämä, hooel ess d'n Päpä äen et Fienster. De SÄ die kütt!" Van do uss jöckt et üvver Ruuesper un dann bes Walpröhl un Gummeschbich mot däm "ch", deep hongen em Hals jeschwatt, wie vam Arraber:"Entweder cho mer noch Chummeschbich oder mir cho char nit!" Sischer dääten se sich och üvver d'n Drreeseler mockieren, dat der dat Kutscher-R noch schwätzen däät, vürren en d'r Muul, tirex honger d'n Schneidezängen, am iieschten Riffel: "Drreiundrrissich Drreeseler Drrossbuurren drrießen em Johrr drreiundrrissich Jrramm drrüüen Drreeseler Drriss". Oder se dääten en frotzelen mot: "Frrollein, ess de Leitung frrei? Wählen se Drreisel, drrei, drrei, drrei!" - Ävver dat muss och gar nit stemmen. Domet dääten sich die Lück bin d'n Dreeselern bedanken, dat se se jeden Sunndaach nom Fußballspiiel jedraischen kritten, egal ov Dreesel jewunnen oder verlorren hat. Jedevalls simm'r stulz op uus Platt. Se mütten nur noch get mieh draan dohn. Schwätzen! Et ess jo reinement ze doll: die jongen Lück schwätzen baal nur noch "Hochdeutsch". Wann nit grad Karneval ess, het mer dat Jeföhl, mer wör van nem anderen Steern, wann uss d'r eejenen Muul Platt eruss kütt. Die su jescheut dohn, zeejen eenem, datte d'r zwangsläufich su vüürküss, als hättste grad nen Moll jeprümmt. Ävver dann git et doch noch Beuerd'r, die geern en Plattseminar mot mir hätten. Sullen se han! Mer kann jo beedes schwätzen: Hochdeutsch un Platt. Kin Saache! Un bis us kin Zäng mieh wieh dohn, wulle mer us fein draanhalen. Ne wohr?! Ja nu ja! Jeliert ess jeliert!
Üüren Hubert Grunow uss Raußel
Mieh van däm Seibel fünx de unger mingem Namnen oder op www.grunow-tenor/mundartlesungen.de CDs git et en mingem CD-Shop, wie et nu su oss!
Beginne eine Diskussion über Windeck
Diskussionsseiten sind Orte, an denen Leute darüber diskutieren, wie man den Inhalt von Wikipedia so gut wie möglich gestalten kann. Du kannst diese Seite benutzen, um eine Diskussion mit anderen zu beginnen, wie Windeck verbessert werden kann.