Hennef (Sieg)
Dä Lemma-Titel he es en de amplische Schrievwies.
| Wappe | Landkaat |
|---|---|
|
|
| Basisdate | |
| Bundesland: | Nordrhein-Wessfale |
| Rejierungsbezirek: | Kölle |
| Kreis: | Rhein-Siesch-Kreis |
| Jebiet: | 105,79 km² |
| Enwohner: | 45.238 (30. Juni 2005) |
| Bevölekerungsdeesch: | 427,6 Enwohner/km² |
| Hüh öwe NN: | 68 m |
| Hüxte Punk öwe NN: | 280 m |
| Nedrischste Punk öwe NN: | 59 m |
| Läng vun d'r Stadtjrenz: | 60,3 km |
| Possleitzahl : | 53773 |
| Telefonvürwahle: | 02242, un 02248 |
| Jeojrafische Laach : | Schablon:Koordinate Text Artikel |
| Kfz-Kennzeijche: | SU
|
| Jemeindekennzahl: | 05 3 82 020 |
| Jliederung vum Stadtjebiet: | 91 Dörppe |
| Adress vun d'r Stadtverwaltung: |
Frankfurter Str. 97 53773 Hennef |
| Wäbsigck: | www.hennef.de |
| E-Mail-Adress: | info@hennef.de |
| Politik | |
| Bürjemeester: | Mario Dahm (SPD) |
Hennef (Sieg) es en Stadt em Rhein-Siesch-Kreis, met 91 Ortschaffte, am Fluss Siesch. Die Zahl 91 entsprich dobei net jenau dä Aanzahl vun der tatsächliche Ortschaffte, söndern setz sich och uss Jruppierunge vun kleenere Dörppe zesamme, die vun d'r Stadt jebildt wudde sen, su datt die eijentliche Zahl noch vell hühter litt. Uss dämm Grund dräät Hennef och dä Beijnaam „Stadt vun dä 100 Dörppe“.
Jeografie
[Ändere · der Quälltäx ändere]Jeografische Laach
[Ändere · der Quälltäx ändere]Hennef litt zwesche em Bergische Land un em Westerwald am Engk vum Sieschtal, zirka 30 km Lufflenisch südösslich vun Kölle un zirka 14 km Lufflenisch ost-nordösslich vun Bonn.
Jröße vum Stadtjebiet
[Ändere · der Quälltäx ändere]Et Jebiet vun Hennef es zirka 105 Quadratkilometer jruß.
Nopperjemeinde
[Ändere · der Quälltäx ändere]Im Weste jrenz Siebursch un Zint Aujustin aan et Stadtjebiet, em Norde die Jemeinde Nüngkirche-Seelscheid un Ruppischterott, em Oste die Jemeinde Eitorff, em Süd-Oste die Verbandsjemeind Asbach en Rheinland-Pfalz un em Südde Köningkswinte.
De Shtadt ier Jliederung
[Ändere · der Quälltäx ändere]Dä städtebauliche Kään vum Stadtjebiet bilde Hennef im Nordweste, Jeestinge em Südweste suwie im Oste de Waath, dämm Vringsveedel vun Hennef. Jeestinge un de Waath op d'r eene Sigck un et ahle Hennef op d'r anderen Sigck sen durch die ahle Iiesebahnstreck Kölle - Frankfurt am Main jetrennt, op dä noch en de 1970er Johre Dampflocks enjesatz wutte un de janze Waath en Schwadem lääje dääte. Die Bahnlenisch kann aan mietere Bahnöwerjäng un_e paar Bröcke öwerquert wääde.
Hennef litt an d'r Siesch, kuurt Sie jenannt. Zick 2005 besteht en durchjängije Uferpromenad am Chronos-Areal, die vun Radfahrer un Fußgänger benotz werde kann. Äwer och op andere Wääsch kütt me aan de Siesch. Em Dörppsche Weingartsgasse jitt_et en Weetschaff direk am Ufer vun d'r Siesch. Am Sie-oppwäärtijje Engk fumm aale Jöderbaanhoff krüzz dä Hanfbach be Baanlinnish un unger de Ääd och de hennfer Houpshtroohß, un flüß dann en de Siej_erinn. En de 1990-er Joohre woohr dofun nix ze sinn, dat woor all unger de Ääd jelääje. Dann hätt en Huhwasser noh ennem schwere Räähn di Hüüser aan de Sie övver em Hanfbach half zosamme falle loohße. Se woodte do_noh jannz affjebroche un esu hät mer jez e beßje Jröön do, un kann däm Hanfbach singe Louf op de läzde Meeter norr_ens sinn.
Die övrige Dörppe sen miestens en sich jeschlosse un uss ehemolige Buurehöff entstande. En Ussnahm maache Uckeroath], Bierth un Lichtebersch. Weil doh et Land und die Grondstöck billisch wore, sen doh emme mie Immis hinjetrocke, su datt die Dörppe bahl zesamme waaße. Uckerath wor att imme e eeje Dörpp un es hück et grüßte Subzentrum vun dä noh de Jemeindereform 1969 neujebildeten Stadt Hennef. Et litt direk aan de Jrenz vun Nordrhein-Wessfale zo Rheinland-Pfalz aan de B8, wat de Houpshtroohß en der Westerwald eß, en dä Jääjend. Do wääßeld och de Sprooch zwesche dem Wäller Platt öm Aalekirrshe un däm ripoarėshe Platt fun Eitorf, Ukkerood, Uthwieler, un Niederpleiß, pakktesch jenou met de Landeß_Jrënz.
Jescheesch
[Ändere · der Quälltäx ändere]Dä Naam vun Hennef leitet sich vum Hannefbach aff, dä se fröher Hanapha jenannt hann, un aan dämm Hannef für de Kleeder aanjebaut wutt.
- Jeestinge es schon 885 en_e_ner Schenkungsurkund aan het Cassiusstiff vun Bonn erwähnt wudde.
- 1075 ierschte urkundliche Nennung vun Hannafo
- 1181 ierschte urkundliche Nennung vun Blankenbersch
- 1420 ierschte urkundliche Nennung vum Schloss Allner
- 1859 "De Zoch kütt!" Aanbindung an et Iiesebahnnetz Kölle-Düx-Hennef
- 1903 Ferdischstellung vum Redemtoriste Kluster Jeestinge
- 1934 Einjemeindung vun Blankenbersch noh Jeestinge, Oplüsung vum Amp Hennef un Gröndung vun d'r Jemeinde Hennef zesamme met Jeestinge
- 1953 Ömbenennung vun Blankenbersch in „Stadt Blankenberg“ uss historische Jrönd
- 1969 durch de kommunale Neuoordnung vun Nordrhein-Wessfale entsteht et neue Hennef uss der drei Jemeinde Hennef, Lauthause un Uckeroath.
- 1. Januar 1981 Hennef witt Stadt - De Stadt Blankenbersch hat äwer att zick 1245 bes 1805 Stadträcht]e als de dohmohlß kleenste Stadt vun Deutschland jehatt.