Metmaacher:Caesius

Kölsch - Wie schriev mer dat?

Bei minger Schrieverei he op de ripuarische Wikipedija well ich versöke, de Rejele vun de kölsche Jrammatik enzehalde. Av un aan luuren ich och ad ens en de Wrede un en die Böcher vun de Akademie för uns kölsche Sproch.

• Adam Wrede: Neuer Kölnischer Sprachschatz in drei Bänden. Köln 1958:
  1. Band: A-I, ISBN 3-7743-0155-7
  2. Band: K-R, ISBN 3-7743-0156-5
  3. Band: S-Z, ISBN 3-7743-0157-3
• Christa Bhatt und Alice Herrwegen: Das Kölsche Wörterbuch. Kölsche Wörter von A-Z. Herausgegeben von der Akademie för uns kölsche Sproch, Köln 2005, ISBN 3-7616-1942-1
• Alice Tiling-Herrwegen: De kölsche Sproch. Kurzgrammatik Kölsch - Deutsch. Herausgegeben von der Akademie för uns kölsche Sproch, Köln 2002, ISBN 3-7616-1604-X

Wann et Ungerscheede jit zwesche demm Wrede und de Akademie, ben ich doför, dat mer beds zoloße. Ich för minge Deil han leever die Aat un Wies, wie dä aale Wrede die Wööd opjeschrivve hät. Dat soll nit heeße, dat ich nit och ad ens esu schrieve, wie dat de Akademie explizeet.

Dat Jedöns met denne Buchstabe G un J

Beim Buchstabe G halden ich et met demm aale Wrede. Ich schrieve die Wööd, die em Huhdeutsche met G aanfange, jenau esu, wie mer se op kölsch spreche deit, soll heiße: met J! Dat die Akademie för uns kölsche Sproch dat anders han well ... . Ich meine, dat mer et Levve und die Schrievwies vun de kölsche Sproch nit esu komplizeet maache sollt. Wat wie J jesproche weed, darf mer och met J schrieve. Söns mööt mer jo jedes Mol frore: weed dat G jetz wie G udder wie J jesproche? Alsu maache mer et ons nit unnüdich schwer un lossen dat esu, wie dä aale Wrede dat allt praktizeet hät.

Wann et jet ze expliziere jit...

...dan sid esu jot un dot dat op minger Diskussions-Sigg Benutzer Diskussion:Caesius.

--Caesius 12. Jan 2006 14:24 (CET)

Belder vun Commons enbaue?

Leeve Purodha, ich ben neu he op WiKoelsch un han aanjefange met dem Attikkel Rösrod, wie de jo altt jesinn häs. Ich dät jo jään e paar Belder vun Commons en dä Attikkel enbaue. Dat jeiht evver hückzedaach noch nit. Domit mer dat Huhlaade nit dubbelt maache müsse, well ich domet noch waade bes dat ksh.wikipedia.org en de Jäng jekümme es. Ich nemme aan, dat dat , wat de en dä Attikkel enjebaut häs, för dat ksh.wikipedia.org fürjesinn es. Ich han en Froch: Künnt ich nit die Belder och allt esu enbaue, wie die späder jebruch wäde? Un häs de allt en Idee, wann et esu wigg es, dat mer ömtrecke? --Caesius 11. Jan 2006 19:04 (CET)

• Reshtesh jeroode, met allem, wat De dengkß!

  http://upload.wikimedia.org/wikipedia/commons/thumb/8/83/Rheinprovinz_Wappen.png/36px-Rheinprovinz_Wappen.png

  http://upload.wikimedia.org/wikipedia/commons/thumb/0/09/Wappen_Bergischer_Löwe.png/34px-Wappen_Bergischer_Löwe.png

  http://upload.wikimedia.org/wikipedia/commons/thumb/5/50/Blissenbach_Familienwappenschild_7873_82.png/36px-Blissenbach_Familienwappenschild_7873_82.png

  Mer künne jeds_alld Billdere opnämme, alß wi wänne se vun Commons kööme, jrad wi di Interwiki_Lingkß, dann süüt mer se su lang nit, wi mer non_nid ömjetrokke sinn. Dat hann ish hee un doo jemaat, ävver winnish. Enne anndere Wääsh, wo mer alld_enß süüt, wat dornoh eruß_küdd_eß, mer kann die Billdere och met iier URL tiräk ennboue, http://upload.wikimedia.org/wikipedia/commons/thumb/0/09/Wappen_Bergischer_Löwe.png/34px-Wappen_Bergischer_Löwe.png zem_Beijshpell hölld_dä bärjishe Löv en di dreij Wappe_Belldshe, di me he süüdt, un di kumme all dreij fun Commons.
  • En idee, wann dat jet weed med_dämm Ömträkke, hann_ish nit. Dat hängk aan de Adminß un de Äntwikklor fun de Wikkpedija ßöövere. -- Purodha Blissenbach 12. Jan 2006 16:06 (CET)