Wikipedia:Wie weed övversatz?

Wam_mer in unsere Wikipedia jet fingk, wo Do jet bei dunn mußß, weil_et_Der en_de Finger jöck, ävver Do bės met unsere Shproche ze shrive ned_esu_joot darbej?

Dat es jah kej Probleem, dann shrievß_De ävens ėn_ener Sproch, die vun dä Metmaacher he jot vershtande weed un pappß dä Boushtejn {{Üvversezze}} drahn.

E Beishpill: Das Kölsche Wort "Fisternöll" kommt gar nicht vom Döres Fies dä am De Noell Platz in dat Finster von dä Weetschaff sprung, die "dä Nöll" genennt werd, als er beim Fummeln mit der minderjährigen Oma vom Krischelspingß erwischt ward. Opjepaßß: Winnichßtenz ene_Deil vun dämm wat he steiht mööt övversatz weede.  Jlich övversäzze? Jou, loß jonn!

Dat weed dann schun einer finge un jett druß_maache.

Wat för_n Shprooche he sönß noch esu jekallt wääde kannß_De ungerhalv vun dä Sigg Medmaacher noh Shproche nohluure, wannß_De bei Dinge Sprooche nohluurß, wi_vill Lück do enjedrare sėnn.

Denk nit, dat för jede exotische Shproch andouernd eine he vörbejloort. Versök et leever med_ener Shproch, wo em Rhingland sowisu de mießte Minsche ald_jot vershtonn, Deutsch, Flämisch, Platt, Limburgs, Pälzisch, English, Holländisch un esu, un_wat domet verwand_es.

Esu, dat woret för Lück, diJ_en Övversetzung bruche, dä Ress ėß jetz för wer beim Övversezze metmaache wėll.

Wie weed Övversatz?

Wie weed övversatz? Jo, dat kütt drop aan. Et jitt en paa Saache, do sollt mer drop aade. Nit dat dat jez einer för der hillije Katteshißmuß hällt — also maat wat Ühr joot fingk — un he sin en paa Tips:

• Wann_t jeiht, maach_et jot, sön loßd_et.
  Ed_eß beßßer, et määt ene andere einmol, alß wie wenn dreimol, fönefmol einer e bezje jet draan versöök und mėr krije der 'Stėlle Poßß'-Effek.
• Beim Övversezze vun Deutsch, loort op di Wööt, die mer 'esu versteiht' — E Bejshpill: die (Deutsch) Verschrottung eß bei uns et Verschrotten un die (Deutsch) Abwrackung jitt et selv do ja nit, et hejß övverall Abwracken vun der Waterkant över et Schwäbishe Meer beß no_m Neusiedler See.
• Mer sin jet lebendijer wie dat stieve Deutsch.
  Also maat Üch nix druß un bout de Säz_öm, damedt_mer weiß wä wat deit un säät. Süch och Wikipedia:Wie schrieve mir?.
• Mer sin kein Bėampte.
  Also wenn Üch einer med_dä "Vertiefung werkspezifischer Originalititätseigenschaften postmodernistischer Traumabewältigungsstrategien in der radikalklerikalsakralen Baukunstdebatte bundesrepublikanischer Verwaltungshochschullehrerkader in der weiteren jurisdikiven Verwaltungsbeamtenrechtsfortbildung des gehobenen Dienstes der Länder" kütt, dat mußß_mer eetß enß vershtonn. Wer_d vershteiht, dä kann dat och ėn uns Shproch ömsetze. Nohbedde is Quatsch, dat versteiht dann ez rääch kei_Minsch mieh.

Wat bruch en Övversäzzung?

Wat litt aan? Special:Whatlinkshere/Template:üvversezze säät Der dat.

Maach fädich, dat dä Krom fott kütt! Un dann riiß dä Zeddel {{Üvversezze}} do eruß. Dankeschön.