St. Rochus

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Ön Miniatuur vam Hellije Rochus

Dr Hellije Rochus, och St. Rochus jenannt, heescht ejentlich Rochus va Montpellier un wood em Joohr Zwölvhondötvönfunnüngßisch (1295) jeboore un storv am Sässehnde Aujust Drözehhondötsövvönunzwanzisch ( † 16.8.1327). Än ön Lejende weed verzallt, dat hä bei ön Piljervaard völl pestkranke Lüü jeholpe hatt.

Rochus va Montpellier es önö katholische Hellije un en d Kersch weed dr Sässehnde Aujust em Jedächtnis a häm jeviirt.

Hä wood als rische Sohn ä Montpellier, dat litt bei d Franzuuse, jeboore. Als hä met 20 Jooch sing Äldere verloor, do hat hä öt janze Jeld verschenkt un es en dr Orden van dr Franz von Assisi äjötroone. Drözehhondötsövvezehn (1317) es hä no Rom jepiljert un hat ongerwääß völl Pestkranke jeholpe. Drözehhondötzweiunzwanzisch (1322) woch hä op dr Wääch Heem no Piacenza un wood selvs pestkrank. Kenne hat häm jeholpe. Hä jäng en ön Hütt un Ängele solle häm jesond geflecht ha bes hä wärm wiir wandere kutt.

D Pest hott häm ävver asu verändert, dat häm kenne mii erkannt hott un moch hem vöör önö Spiun jehalde hat. Hä koom vöör vönf Joohr en ö Jevängnis i hä storv. Isch als hä duud woch erkannt moch, dat hä dr Rochus va Montpellier woch.

A völl Stelle stönd Kersche un Kapelle, di an dr Hellije Rochus erinnere.

Wepsije

 Commons: Category:Saint Rochus – Sammlung von Bilder, Filemche un Tön op Wikimedia Commons