Paveier

Di Paveier sin en Bänd uß Kölle. Se senge vill op Kölsch ävver nit nuo. Se dunn fill em Kanevall shpille, hatte shun e paa Faßtelooventßtophits, se sinn ävver och sönß joot dobäij un shpillen_et_jannze Joohr övver.

Et jitt se zick 1983, un de janntß_Tßikk en dä_sälve Besäzzung.

Et Päsonnal en de Ursprungsbesetzung

• Dä Hans Brühl, jenannt Bubi, shpillt Jitta,
• Dä Micky Brühl sėngk
• Dä Minibömmel Klaus Lückerath sėngk un shpillt de Jitta,
• Dä Bodo Schulz shpillt de Jitta, un
• Dä Detlef Vorholt heut ėn de Taßte.

Et Päsonnal wie se hück spille

• Dä Hans Brühl, jenannt Bubi, shpillt Jitta,
• Dä Sven Welter sėngk un spillt Jitta
• Dä Minibömmel Klaus Lückerath sėngk un shpillt de Jitta,
• Dä Bodo Schulz shpillt de Jitta, un
• Dä Detlef Vorholt heut ėn de Taßte.
• Dä Johannes Gokus, jenannt „Johnny“, shpillt et Schlachzeuch.

Dä Vädejangk

De miißte vun dä Junge kumme ürshprönglij_uß Dellbrück, nur dä Minibömmel kütt wall uß Sölz. Die hatte ald alß Pänz en_de Scholl meddenann_ze_donn_un Mussik jemaat

De Bänd hät et ald vüür dä Jründung 1983 jejovve un do hät se sich noch de Colonia Rangers jenanndt, un se han füür_allem Kanntri_Mussik op Kölsch jemaat, met ier winnish Äfollesch.

Nohdämm se sish dä Naame Paveier verpaßß hatte — noh dä Paveier di_t Plaßter op unß Shtrooße maache — do hann se dä Kanntri fottjelohße. Dä Naame hätt övverijjenß et Heidi Knipp uss_em Kölsch_Nohkiksel eruß_jesöök.

Zick dämm hann se sish met ettlijje Fasteloovenzhiz joot Jehüer voschaff. Die wooren faß_all vum Hans Knipp ußjedaach, dä och fö_de Bläck Fööss schriiv. Et jingk_loßß_med „Am Ruusemondach“ un däm shtimmungßfolle „Ich nemm d'r Dom met“ di bäij EMI erußkoohme.

Koot drop hät dä Günter Ilgner se en sing Gerig Musikverlage jehollt un op däm Läjbel PAPAGAYO produzėet. Hee jov et en jannze Räij joot bekannte, un Leeder di aankoome_un de Pavaijer beqannt jemaat han, wi_dat Danzleed „Beim Toni aan d'r Iesbud“ vüür_allem ävver 1986 dä Supper_Fasteloovenz_Hit „Heut' brennt mein Iglu … (Snappköppskassörsken)“

Plaate

Dat eß nuur en Ußwaal:

• „Üvverall“ — Papagayo Kölle (1987), LP — EAN 5 099915 954411
• „20 Erfolge“ (ßämplo) Papagayo Kölle (1990), CD — EAN 4013127002532
• „Lieber Schweigen“ Pavement Records Kölle (1991), CD — EAN 4012122200011
• „Beinah“ Kölle (1993), CD — EAN 401212260019?
• „Alles okay“ Pavement Kölle (1994), CD — EAN 4012122600309
• „Zwesche Himmel un Ääd“ Kölle (1995), CD — EAN 401212260050?
• „Joot jelaunt“ Pavement Records Kölle (1996), CD — EAN 401212260060?
• „15 Johr“ (ßämplo/Läijf) Pavement Records Kölle (1997), 2 CDs — EAN 4012122600705
• „Let's go Kölle“ Kölle (2001), CD — EAN 401212260080?
• „Sulang“ Kölle (2002), CD — EAN 401212260106?

Websigge

• Dä Paveier ihr Sigge (op deutsch)
• Pavement Records (op deutsch)