Henri Matisse

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Henri Matisse em Mai 1933, fotojrafeerd va Carl van Vechten

D Ongerschreff va Henri Matisse

Henri Matisse (* 31. Dezember 1869 ä Le Cateau-Cambrésis, Nord, Frankreich; † 3. November 1954 ä Cimiez, hüü z dachs önö Vöörochd va Nizza), dä met janze Naam Henri Émile Benoît Matisse hosch, es önö französische Möler, Jrafiker, Zeechner un Beldhouwer. Hä zälld met Pablo Picasso zo d bekanndste Könstlere van d Moderne. Nävver André Derain jilt hä als dr Wächbaahner un Hauptvorträäner van dr Fauvismus, wo d Separatiun vam Impressionismus propajeerd weed un domet ön könstlerische Revolutiun em 20. Jahrhondöt es. Matisse had singe eeje könstlerische Stil dörch öt Aawende van d reene Värv vöör öt räumliche Werke. Ä sing Jemölde es d Värvjävvung, dr speelerische Beldopbouw un d Leetichkeet va si Beldthema öt Erjevnis va lange Studie. Met sing Schiireschnette (gouaches découpées), di en d 1940er Joohre entstänge – ee Beispell es si Könstlerboch Jazz –, had Matisse sing Vörsöcke aavjeschlooße un öt jesoote Zösammespell va Linisch un Värv erfülld. Dr Könstler had d Rusekranzkapäll va Vence, di em Joohr 1951 äjeweihd woode es, jeplant un jestalld. Hä sälvs had sö vöör si beitzde Wärk jehalde. Singe neue Stil hod Äfloss op d moderne Konst, su z. B. op dr abstrakte Expressionismus en d Vereenichte Staate.

Jätt z lääse un z kikke

 Commons: Henri Matisse – Album mit Bilder, Filemche un Tön op Wikimedia Commons

Hee dä Atikel eß anfänglesch översatz uß de Wikipedija op Allemmannėsch