Platdiets

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Platdiets es dä Name för ene Knubbel Wëßjërmanėsche Shprooche. Di sen jraat dä Övverjang vun de neederfränkėsche Limbůrjėsche Shprooche noh de weäßmėddeldütsche Ripůarėsche Shprooche em Noodoßte vun Belljie. Doh litt ene Halfkreis em Wäßte vör Oche, dää op Neederlängsh dä Platdietse streek jenannt weed.

Weil de Shprooche vum Platdiets en Belljie en dä Profins Lüttesch en dr Houpsaach, ävver och em düütsche Land, un em Söödoßte vun neederlängsch Limborsch jekallt wääde, säät mer doh eröm och Dreiländerplatt doh för. För e paa Beijshpell jehüre doh bei di Dijaläkte vun Jemmenich — et Jömelejer Plat — vun Homburg, vun Montze, un vun Falkenraadt — et Vaelkenraets — un ene Deil vun sujenannte Zuidoost-Limburgs.

Et fröhjere Häzochdom Limbursch hät doh sing Käänland jehatt, Esu kam_mer och saare, dat dat Platdiets vun hück de Shprooch vum ahle Limbursch ier moderne Affkümmling wöhr.

Der su_jenannte rheinėsche Fächer es dä Saz vun Shproochjränze, däh och dä Övverjang zwesche dä Shprooche em platdietse Jebeed un dänne ier Nohbersh_Dijaläkte beschriev.

Bööscho

• Welschen 2005
• Frins 2005
• Frins 2006