Ongerscheide zwesche Versione vun dä Sigg „Kölner Dom“
M Bot: dobëijedonn: is:Dómkirkjan í Köln |
M Bot: Link FA +ko |
||
| Reih 33: | Reih 33: | ||
{{Link FA|he}} |
{{Link FA|he}} |
||
{{Link FA|ko}} |
|||
[[ar:كاتدرائية كولونيا]] |
[[ar:كاتدرائية كولونيا]] |
||
De Version vum 26. Juli 2010 öm 00:39 Uhr
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)
Dr Kölner Dom es wall dat Bauwerk, wat all die Touriste en Kölle sinn welle. Die Kirch es 157 Meter huh, un domet noh em Ulmer Münster (161 m) de zweithühste Kirch en Deutschland. Wä schwindelfrei es, dä kann em Südturm huhklimme. Anjefange han se met däm Bau 1248. Fäädich jewudde sin se 1880.
Dombauhütte
Alle naslang jitt et am Dom jet ze repariere. Dä Schwefel en de Luff hät ussen eröm die Fijure kapottjemaht. Die Lück vun de Dombauhütte han allemolde jet ze dun.
Dombaulotterie
Dat Repariere koss vill Jeld. Öm die Nüsele zesamme ze krije, han se de Dombaulotterie erfunge. Kaufe kammer die Lose em Sommer op dr Domplaat, tirektemang vür em Enjangsportaal.
Kulturelle Ärv vun d'r Welt
Em Dezember 1996 hät de UNESCO dr Dom en die Liss för et Weltkulturerbe enjedrare. Dobei han se ävver verjesse, en Pufferzone öm dr Dom eröm fesszeläje. Em Määz 1998 hät dä Bernd Droste zu Hülshoff (Tirektor vum Welterbezentrum) noch ens op die Pufferzone hinjewese. Trotzdäm han em November 2003 die Bövverschte vun Kölle (Rat der Stadt Köln) janz en dr Nöh vum Dom, op dr Schäl Sick, dä LVR-Tower (LVR = Landschaftsverband Rheinland) jenehmich. Dä 103 Meter huhe Wolkekratzer wor för de UNESCO ze huh. Dat dät de Bleck op die Kathedraal beeinträchtije. Dr Dom kom op de Ruud Liss. Nä wat jov dat ene Knaatsch. Nit nor de Bürjermeister wor us em Hüsje. Och die Bövverschte vun de Kirch woren enjeschnapp. De Dombaumeisterin Barbara Schock-Werner un de Dompropst Norbert Feldhoff reefen: Oh jömmisch - wat för en Nationale Schande.
Em Dezember 2005 han die Bövverschte vun Kölle die Plän för noch mieh Wolkekratzer op dr Schäl Sick opjejovve. Nit mieh wie 60 Meter huh darf jetz jebaut weede. Em Juli 2006 hät de UNESCO dr Dom deswäje widder vun de Ruud Liss jestriche.
Dr decke Pitter
Der Daachstohl es nit wie söns us Holz jemaat, sondern us Ieser. Dodren han se elf Jlocke opjehange. Wann die all lügge, hürt mer dat noch bes wigg op de Schäl Sick. Dr decke Pitter es de jrößte Jlock vun de Welt, die frei am Schwinge es. Se weed nor jelügg et ovends vör huh Kirchefeste.
Websigge
- Kölner Dom
- Webcam met Bleck op dr Dom vum WDR singem Ashiiv-Huhous singem Dach