Euro

	Hee kütt nur ejne Senn, ävver Euro kann mieh bedügge. Luuer donoh op dä Sigk → Euro (Watt ėßß datt?) Och EUR hät mieh Bedüknisse. Luuer donoh op dä Sigk → EUR (Watt ėßß datt?)

Ene Fäscher me EURO-Sching

Dä Euro, afjekööz met €, un noh de ISO 4217 met EUR, ess_en Zoot Jeld, en Wäärong, di fun enem Deijl fun de Shtaate en de Europäjesch Unijone en der 1990er Johre als Opvolljer fun dämm EKÜ beschloße woode es. Aff 1999 kunt mer en för met ze räschne un bei de Banke un en de Boochföhrung jebruche, ävver eets em Joohr 2002, mem 1. Jannewaa, johv_et en zem Aanpakke för de Minsche en dä Euro-Länder.

Em Johr 2002 hät dä Euro ald dä öcher Kalßpriiß krääje. Dä Baaß fun de Zentraalbank fun Europpa hät dä, als Shtällfotredder, aanjenůmme un op Hemmelfaat en Oche en de Häng jedaut bekumme.

De Sching fum Euro

Dä Euro jit et met Sching för 5 € en jrou, 10 € en rut, 20 € en blou, 50 € en brung-jääl-appelsinefärf, 100 € en fies hell jröhn, 200 € beesch-kakfärf, un 500 € en lilla.

De divärse Mönze fum Euro

Dem Euro sing Hattjält hät äjne un zwäj Cent en Koffer, 10, 20, un 50 Cent en Messing, äjne un zwäj Euros en half sillver-Blech un half Messing. De Mönze sin en de Euro-Shtaate ungescheedlesch. Zwa sinn se op eine Sigg ejaal uß, ävvver de ander Sigg, un wat bei de jlatte Ränder uuße eröm jeprääsch es, dat eß nit ejaal.

1. Euro Möntse uß Ößtrish
2. Euro Möntse uß Bellje
3. Euro Möntse uß Dütschland
4. Euro Möntse uß Erland
5. Euro Möntse uß Italije
6. Euro Möntse uß Finnland
7. Euro Möntse uß Frangkrisch
8. Euro Möntse uß Jriecheland
9. Euro Möntse uß Luxembursh
10. Euro Möntse uß Malta
11. Euro Möntse uß de Nederläng
12. Euro Möntse uß Pochtojal
13. Euro Möntse uß Shpanieje
14. Euro Möntse uß ßloveenije
15. Euro Möntse uß Züperre

Websigge

• http://www.ecb.int de Zentraalbank fun Europpa

Dä Artikel iss noh koot. Äwwä eä könnt bald enz länger sinn, wenn do mithilfs.
Jlich aanpakke? Dann loß jonn!