Arnoldswiele

Uß de Wikipedia
Zur Navigation springen Zur Suche springen

Arnoldswiele (amplisch Arnoldsweiler) es e Dörp em Kreis Düre un jehüet sick 1972 zo der Stadt Düre. Der Herrensitz Huus Ruath jehüet och zom Dörp. Unjeviehr 3000 Mensche lävve en Arnoldswiele. Des Weiteren es Arnoldswiele dat Partnerdörp von Cormeilles en der französischen Normandie.

Lage[Ändere · der Quälltäx ändere]

Arnoldswiele deht em Norden von Düre läje. En de Nobreschaff von Arnoldswiele lijje Birkesdörp, Huchem-Stammele, Ovvezier, Elle, Muschenich on Miazenich. Em Norden verlöif die BAB 4 on em Nord-Osten die Bahnstreck Oche-Kölle. Janz em Osten litt och ene fröhe siehr jruße Böisch, me nennt en och Bürjewald odde die Böresch.[1]

Geschichte[Ändere · der Quälltäx ändere]

En Arnoldswiele levve ahlt siehr lang Mensche. Su es 2010 en steinzeitliche Siedlung fonge wudde. Archäölogen hant erussjefonge, dat ahlt füe 7000 Johr Mensche zwesche Arnoldswiele on Elle (zo Neddezier) levve dähte.[2]

Dat heutije Dörp ess 922 dat iezte Mol en en Urkund erwähnt wudde. Jedoch wudd et damols noch Ginizwilre jenannt. Noch heut deht die Ginnizweilerstroß ahn der ietzte Name erennere. 1168 heiß et en en angere Urkund ävve ahlt Wilre Sancti Arnoldi on em Laufe der Zeit es os Wilre Sancti Arnoldi Arnoldswiele wudde. En Arnoldswiele litt och der Mann en der ahl Keresch bejrave, der dem Dörp der Name johf. Der Mann hosch Nöll (Arnold) on widd noch höck en der Umjejend besondersch veriehrt, denn Nöll es ene Hellije on widd och Arnold von Arnoldswiele, op Huhdütsch Arnold von Arnoldsweiler jenannt. Jestorve es hiar öm 800 eröm.

Em Mittelalter johf et em Dörp och ene Jerichtssitz on seit dem 14. Jh. jehuert et zöm Herzogtum Jülich. Von 1794 bes 1814 stond die Ortschaff onge französischer Herrschaft. Onge der Franzuse es och die Maire d`Arnoldsweiler jejründet wudde. Zo der Maire jehuerte nevve Arnoldswiele och noch Elle, Huus Ruath on Muschenich. Os der Maire wudd en preußischer Zick die Bürgermeisterei Arnoldsweiler. Evve 1936 wudd die Bürjermeesterei ahlt wedde opjelöst, jenau wie die Bürjermeesterei Miazenich. Su kom et dann, dat me Arnoldswiele metsamp Elle, Huus Ruath on Muschenich zom neue Amp Miazenich enjedehlt hät.

Em Zweide Weltkreech johf et och e Kriegsgefangenenlager, wo vill Löck ihe Lävve losse mosste, vor Allem Russe, Pole on Franzuse. Em Februar 1945 es Arnoldswiele von der Nazziherrschaft befreit wudde, wudd dobei ävve och stärrek beschädisch.

Am 1. Januar 1972 es Arnoldswiele dann von Miazenich ahn die Stadt Düre komme.[3]

Kerche[Ändere · der Quälltäx ändere]

En Arnoldswiele jitt et zwei Kerche. Allebehtse heße St. Arnold. Die klehn Kerch widd ävve meistens Arnolduskapell jenannt on die jruße Groß St. Arnold odde enfach die (Pfarr-)Kerch.

Die Arnolduskapell es die ähltste Kerch em Kreis Düre. Dat Ongerjeschoss vom Turm wudd vermutlich em 11. Jh. erbaut on die Övverjeschosse stamme oss dem 12. Jh. Sumet es der Turm romanisch. Dat Arnoldusjraf steht och en der Kapell on es usem 15. Jh. Besondersch mäht die Kapell, dat der beröhmpte Kirchenmaler Peter Hecker die klehn Kerch usjemohlt hätt.

Die jruße Kerch wudd zwesche 1899 on 1902 erbaut. Der Boumeeste woar Theodor Roß. Och die jruße Kerch es usjemohlt wudde, ävve net von Peter Hecker, sondern von Heinrich Nüttgens os Düsseldörp-Angermund ab 1913, ävve die schön Jemälde sent all en die 1950er Johre övverstreche wudde. Die Orjel es och jett besondersch. Orgelbau Johannes Klais hätt se 1915 en de Arnoldswiele Kerch opjestellt. Die Orjel es die ählste em heutigen Dürener Stadtgebiet.[4]

Enrichtunge[Ändere · der Quälltäx ändere]

Em Dörp jitt et die Städtische Katholische Grundschule St. Arnold, der katholische Kengejahde St. Arnold on der Kengejahde Aktive Wichteloase von der AWO. En der Kapell es die Katholische öffentliche Böcherei ongebraht.[3]

Vereine[Ändere · der Quälltäx ändere]

  • Sankt-Arnoldus-Schützenbruderschaft Düren-Arnoldsweiler 1587 e. V.
  • FC Viktoria 08 Düren-Arnoldsweiler e. V.
  • Sankt-Matthias-Bruderschaft-Arnoldsweiler
  • KG Bedrövde Jecke Arnoldsweiler 1930 e. V.
  • Junggesellenclub Gemütlichkeit gegr. 1905
  • Turnverein Arnoldsweiler 1883/06 e. V.
  • Kaninchenzuchtverein R16 Arnoldsweiler e. V.
  • Motorsportclub Arnoldsweiler 1969 e. V.
  • Hundesportverein MV Arnoldsweiler am Tagebau Hambach e. V.
  • Messdiener Arnoldsweiler
  • Löschgruppe Arnoldsweiler (Freiwillige Feuerwehr)
  • Martinskomitee Arnoldsweiler
  • Deutsche Pfadfinderschaft Sankt Georg, Stamm Arnoldsweiler
  • Angel-Verein Arnoldsweiler 1995
  • Katholische Frauengemeinschaft (kfd-Arnoldsweiler)
  • Kirchenchor St. Arnoldus
  • Tennisclub Arnoldsweiler e. V.
  • Arbeitskreis Arnoldsweiler-Cormeilles

Quelle[Ändere · der Quälltäx ändere]

  1. Google Earth und Tranchotkarte
  2. Aachener Zeitung, http://www.aachener-zeitung.de/lokales/kreis-dueren/in-der-steinzeit-gab-es-den-ellebach-noch-nicht-1.361300 (29.01.2014)
  3. 3,0 3,1 Internetseite der Stadt Düren: http://www.aachener-zeitung.de/lokales/kreis-dueren/in-der-steinzeit-gab-es-den-ellebach-noch-nicht-1.361300
  4. http//:www. kirche-dueren-nord.de