Periodesystem fun de schėmische Ellemänte

Us de Wikipedia

Et Periodesystem heiß ußföhrlesch jesaat: de schėmische Ellemänte ier Periodesüßtem. Et jeiht öm en Tabäll, woh de schėmische Ellemänte dren opjeföhrt sėn. För jedes fun de Schėmie ier Ellemänte jidd_et e Käßje un dänne ier Aanodenung jitt de schėmėsch Ëijeschaffte esu widder, dat äähnlejje un jlische ėmmer all zosamme shtonn. Wat mer dann shpääder en de Atome ier Füssik eruß jefonge hät: Da sinn_er och de füssekaalesch Ëijeschaffte fun de Atome fun dämm jeweilijje Shtoff.

Et johv_e ad Föörlöüforre, ävver de weschteschßte Jrundshtëijn för et Perijodesüßteem dun de Weßeschafflorre saare hätt dä Schėmiko Dmitri Mendeleev em Johr 1869 en Rußland jelaat. Hä wollt dat wat widder kütt, allsů pärėjohdesch eß, opzëije, wam_mer de Schėmi ier Elemänte noh_m Atoomjeweesch odder noh_m_molahre Jeweesch zotteet. Sing Tabbäll hät mer zick dämm e beßje bëßer un jenouer jemaat un neu Ëntdëkunge enjenbraat, un neu Jedankemodëllscher woodte enjebout un han_neu, un fun_er afjelëit Tabbälle op der Maat jebraat, wi de Nukkle'iid'Tabäll.

Hück_ze_daachß wöhr et Perrijohdesüßteem uß de Weßeschaffte nit ieh fott_ze_dëngke. En de Schėmii eß et övverall, un höllef wi nix sönß, de fille ungerscheedlijje Aate fun schėmėsche Ëijeschaffte un Verhallde ze zoteere, en Jruppe un Klaße enzedëijle un ze fo'jliische. En de Füssėk, en de Weßeschaffte fum Lebändijje, en de Täschnėk, un en de Endustri köhm mer oohne der ier Aanwendung bestemmp nit mieh kloh.

De standadmäßejje -Tabbäll hät am Aanfang fum Johr 2008 ein Ëllemänt jehat, wat noch nit ändtdäk es, un söns sinn_er 117 opjevööhrt. E paa mieh wöre tejotättesch müjjelesch.

[Ändere] Et Perijodesüßtem

	1 H																		2 He
	3 Li	4 Be												5 B	6 C	7 N	8 O	9 F	10 Ne
	11 Na	12 Mg												13 Al	14 Si	15 P	16 S	17 Cl	18 Ar
	19 K	20 Ca	21 Sc		22 Ti	23 V	24 Cr	25 Mn	26 Fe	27 Co	28 Ni	29 Cu	30 Zn	31 Ga	32 Ge	33 As	34 Se	35 Br	36 Kr
	37 Rb	38 Sr	39 Y		40 Zr	41 Nb	42 Mo	43 Tc	44 Ru	45 Rh	46 Pd	47 Ag	48 Cd	49 In	50 Sn	51 Sb	52 Te	53 I	54 Xe
	55 Cs	56 Ba	57 La	*	72 Hf	73 Ta	74 W	75 Re	76 Os	77 Ir	78 Pt	79 Au	80 Hg	81 Tl	82 Pb	83 Bi	84 Po	85 At	86 Rn
	87 Fr	88 Ra	89 Ac	**	104 Rf	105 Db	106 Sg	107 Bh	108 Hs	109 Mt	110 Ds	111 Rg	112 Uub	113 Uut	114 Uuq	115 Uup	116 Uuh	117 Uus	118 Uuo
* Lanthanoide					58 Ce	59 Pr	60 Nd	61 Pm	62 Sm	63 Eu	64 Gd	65 Tb	66 Dy	67 Ho	68 Er	69 Tm	70 Yb	71 Lu
** Actinoide					90 Th	91 Pa	92 U	93 Np	94 Pu	95 Am	96 Cm	97 Bk	98 Cf	99 Es	100 Fm	101 Md	102 No	103 Lr