Ovve ohne

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ovve ohne

Dä Usdrock Ovve ohne övv „Bross öruss“ beschriivd, wi ön Vrau övv önö Mann ohne Bekleedungsovverdeel met d Bröss öruss öröm leufd. Ovve ohne steehd em Jäjesatz zo d FKK, beij dör dr janze Liiv onbekleed, d Persun nakß es.

Va vreuer[Ändere · Quelltext bearbeiten]

Kikkd mo sich anger Zitte a, su sitt mo, dat beij d Minoer d Vraue met d Bross öruss öröm leefe. Dat sälve joov öt och ön Zitt lang no d Französische Revolutiun suwi em 17. Jahrhondöt ä Ängland. Di Zitt es ävver vorbeij. Hüü z dachs jitt öt ovve ohne em normal Lääve mä beij d Bademode. He made dr Amerikaner Rudi Gernreich em Joohr 1964 dr Aavang. Hä entworp ö Badekleed, dat ovve ohne woch un op dr Bikini opbouwde. Als sing Entwörp opjevüührd wode, ongerbroche d Polisse dat ävver no ö paar Minütte.

Ä Europa soch dat angisch us. Do stürde öt bo kenne mi, wenn ön Vrau mä met ö Bötzje bekleed, am Strand litt. Frankreich un d Insel Ibiza made he dr Aavang.

Ovve ohne em 20. un 21. Jahrhondöt[Ändere · Quelltext bearbeiten]

Ovve ohne könne sich d Vraue seijd d 1980er Joohre an völl Stränd un Schwemmbäckens bewäje, ohne dat sö Ärjer kriije. Ön vaste Rejel jitt öt ävver net, wobeij d Vraue als Jrönd vöör hör Vorhalde ajevve, dat sö an dr janze Liiv brung wäde welle.

Ä anger Länder sitt dat ävver angisch us. Su es ovve ohne ä Amerika un en völl arabische Staate vorbone.

Ovve ohne als politisch Meddel[Ändere · Quelltext bearbeiten]

Ovve ohne beij önö Mann em Spocht

Dat Meddel ovve ohne weed aav un zo als Meddel Opseeh z erreeje jenotzd. Domet solle politische Wönsch ongerstötzd un dörchjesatze wäde. Beij d Studenteproteste en d 70er Joohre wood Ovve ohne döck äjesatze.

Ovve ohne Bewejunge[Ändere · Quelltext bearbeiten]

Ä völl Länder es ovve ohne net akzepteerd un beij Strof vorboone. Zo di Länder zälle d USA. Dat jliche Rääht vöör Männer un Vraue weed van d Bewejung topless equality vortroone, kann ävver koom dörchjesatze wäde. Ön Ussnahm es dr Bundesstaat New York, wo ö Jericht entscheede had, dat jedde Vrau övverall ovve ohne römloufe darf.

Bara Bröst es ön Bewejung us Schwede, di vörsöckt, dat Räät vöör Vraue dörch z setze, ovve ohne ä Schwemmbäder schwemme z dörfe.

Jätt z lääse[Ändere · Quelltext bearbeiten]