Minnisto Baas

Uß de Wikipedia

Der Ministere iere Baas, der Ministerbaas, och Premmje ov en Deutschöland der Ministere iere Präsidänt ov Ministerpräsidänt ess der Bövverschte en enne Rejierung. Dat ess de su jenannte Rischtlinnijekommpetänz. Wenn et Angela zem Beischpell Premmjeh ess, un et Ulla för der Jesungktheit zoschtänndesch, dann kamelld et Angela et eets, et Ulla deut da dann öm, wijet en et Konnzäp fun em singe Paatei schteit, un de Ministerijalbürrokrate maache dann et lätz doch noch do druß, wat se meine, wat se noch rette künne. Wat dafun dem Angela nit pass, dat küt widder erus. Et hät am miehßte et Sare. Doförr ess et der Baas en de Rejierung.

En paar Ländere han enne Extra Name för der Minnisto_Baaß. Em Bund un en Ößtrisch säät mer noch, wi em deutsche Rëijsch, „Bundeskanzler“ un „Kanzlo“ doför. En Rußland un der USA un ättlijje Ländo en Affrika sare se „der Präsident“.