Medtlerre Oßte
Us de Wikipedia
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Do medtlerre Oßte ess_en Jääjendt en Eufrasije öm der Övverjang zwesche Affrikka un Aasije.
Besöndoß kloore Jrenze hät di nit. Se weed fun de Pollitik un dä ier Vojangehëijt beshtemmp, ävver och de Kultuur un de Rellijoone donn jät do_zo_bëij.
Di Lück, di do lääve, hann dä Bejeff nit erfonge, un_esch_jleuf, di bruche dä och jaa_nit. Hä küdd_uß de änglėsch-brettėsche Kollonnijalforwalldung, em British India Office un kohm en der 1850-er Johre op. Do dääte sesch de Brette med de Rußße öm der persesche Jollf un der Suez Kanaal zängke. Noh 1900 woohd dä Bejreff vum „Medtlerre Oßte“ dann övver Bööscher un Zëijdonge poppulär. Hä ömfaß zigk dämm de Ländorre un Shtaate vum södwäßlijje Asije un e Shtöck Nochd_Affrikka.
[Ändere] De Bedücktong fun dä Jääjend
Dat ess_e Jääjend, wo jescheeshlesh för unß Wält fun hügk zemmlesch fill paßßeed_eß, wat fö unß noch fill bedück. De Weßßeschaff süüht de Aanfang fun de Zivillisazjohn hee, un de eezte Shtädt sen waschëijnlesh em medtlerre Oßte entshtannde. Dat dohmohlß aanjenehme Klima un de joode Wasso_Fosorrjong övver der Eufrat un Tigriß un der Nil han do_zo_bëijedraare, der Ackerbou ze ëntwekkelle. Noh der Sintflooht eß der Noah hee jelandt. Näve dä jruße Rellijohne uß dr Antike sen hee drëij fun de hückzedaachß noch jröözte Rellijohne entshtande, et Judedom, et Krißtedom un dr Ißlahm.
Öm der persesche Jollf eröm lijje met de deckßte Öölfelldere, di de Minschhëijt hät, bëij de Öölschëijß sen de rishßte Minsche fun de Wält. Ze saare hatte oddo han de Minsche en dä Jääjend nit fill, de allomiihßte sen ärsh ärm. Se woore en Kolonnije un han dofun Shtaate jeerv, di zemm Deejl zemmlesch fodötsche Jränze han. De aktoälle Häre kömmere sesh öff nit fill dröm, wat med de Minsche eß, un da wohr frööjo nit angersch. De Rellijohne, dat Öhl, de Minsche un ier Wooht, un de Wönsch fun ußerhallef, fun de aahle un neuje Kolonijaalhäre han do för jesorrsch, dat en dä Jääjend ėmmer widdo Kreesch, Mocht, Ongerdröckong, un Besazzong hächsch, un et Lääve för fille Minsche schwer määt.
Dat wirrek sesh op de jannze Welt ööhnzwi uß, un de jannze Welt looert do drop, wat he loß eß.
[Ändere] Staate
En der meddlere Oßte räshnet mo: Bahrain, Äjippte, dä Iran, dä Irak, Ißrael Jordanije, Kuwait, dä Lėbbannonn, dä Oman, Paleßtina, Qatar, Saudi Arabije, Syrije, de foëijnėshte Arrabėsche Emmirate, un dä Jemen. Och Zyppere un de Türkëij weede alld_enß metjezallt. Wä et besöndoß üppėsh han well, dat sen zem Blëijshteff de Pollittikerre uß der USA un Ängland donn och enß Afjanißtan, Aljeerėje, Liibėje, Tuneesėje, Maroko, un de Wäß Sahara en dä Pott „Medtlerre Oßte“ erin.
[Ändere] Looer och heeh
- Dr Nahe Oste
Dä Artikel iss noh koot. Äwwä eä könnt bald_enz länger sinn, wenn do mithilfs.
Jlich aanpakke? Dann loß jonn!
