Maria Kroiseti
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Maria Kroiseti woch ön Vrau, di em 16. Jahrhondöt ä Oche läävde. Sö wood vorurdeeld, ön Hex z see un wood am 25. September 1604 op dr Scheiterhoof vorbrannd. Sö woch ö Opfer van d Hexejachd va Oche.
Maria Kroiseti sooß em Jraßhuuß als Jevangene en. Öt Jericht tachde en d Acht im Huuß Brüssel an d Eck Maat/Pontstrooß suwi am Katschhoff/Ritter-Chorus-Strooß.
Maria Kroiseti wood am 20. Aujust 1604 vassjenomme un vorbraad 36 Dach ä Jevangeschaff. Sö woch ösu schwach, dat sö jädde Daach Eiße vöör 3 Aachener Mark kräät. Am 13. September braad mo sö en d Acht, wo sö jefoltert wood. Am 14. September joov sö zo, ön Hex z see.
Öt Urdeel wood Maria Kroiseti vöör öt Rothuuß „op dr Blaustee“ vorkünd. D Vorbrennung wood usserhalb van d Stadtmuur vöör öt d Könnispooz op dr Galgeberch en d Nöhde van dr Muffets Hoff jemaad.
D Koste, di entstange wore, woode jenau opjeschrävve:
- 90 Mark vöör öt Holz van dr Scheiterhoof
- 54 Mark vöör önö Pool, a däm sö vassjebonge wood, un 4, öm öt Holz doröm z stapele
- 6 Mark vöör Kleenholz, damet mo dat Vühr akräät
- 36 Mark, öm Maria Kroiseti zm Scheiterhoof z brenge
- 6 Mark vöör Polver
- 16 Mark vöör Kette, Reng, Höck un Klammere
- 91 Mark un 6 Schillinge vöör 2 Vohrlüüh us Mönster un 2 Päder
- 10 Mark vöör Bier, dat di krääte, di holpe
- 84 Mark vöör dr Scharfrichter suwi zosätzlich Wing vöör 48 Mark
- 48 Mark vöör dr Jerichtsdeener
- 24 Mark vöör dr Jlöckner öm z luhe
- 12 Mark vöör ön Flasch Wing, di Maria Kroiseti drenke dorv, bevör sö vorbrannd wood.
Jätt z lääse[Ändere · der Quälltäx ändere]
- Hexenwahn im Grenzland Aachen, Siemons, Hans Meyer & Meyer Verlag ISBN 978-3-89124-422-7
- Ön Naamensliiß