Lili (Bänd)

Lili eß an Band uß Kölle. Se spille en Aat nöüje millde Punk un Rock un mer merrek ine aan, dat se Spass am Spille hann.

Ier Plaate Fėrrma, de Capitol, die bëij EMI en Kölle hüüere, läät inne en ierem PR Mattrijaal en dä Muul: „Wir sind Lili. Wir rocken bis die Kerfte brennt, zwei, drei Akkorde, die sicher jeder von euch kennt. Wir haben den Feingeist nicht gepachtet, dafür sind wir unendlich laut und jede Melodie von uns klingt irgendwie geklaut.“

Wad esu paßßeed eß[Ändere · der Quälltäx ändere]

Aanjevange sull dat hann medd enne Aanzëijsh ennene Mussik Zëijschreff. Wää dat opjejovve hätt, wat dren schtunndt, un wat fö n Zëijschreff, dat weßße mer nėt. Do drop sulle sesh dann di fier eetze Bännd medjleedo jemälldt han. Dat woore all Wievere. Wiso di fundte, dat se blooß fürwiijend Fraulück wööre, dat mööd uns enß ëijne kloo maache. Jedenfallß noohme se dat alls enne Jrunnd, fö sesch Lili ze nänne, ußßodämm wöö t schön koot un kööhm emmo fädd op de Plakaate, säät di Plaate Firrma. Dat sůll em Joohr 2001 jewääse sinn.

Die fier hatte Shpaßß meddenand, un shpellte en Kölle un drömröm, un em Ruhrpott. Däm Anke aan de Trommele wood tat ze fill, und et däät 2003 ophüere. Do för koom enne Mann do bëij, da MarX uß Jladbägk. Anndoß wi di Fraulück, di all Shtudënnte woohre, hät ä dohëijm en Auto Wërrekshtadt wo aahl Autos un Olltaijmer zerrääsch jemaad weede.

Et Päsonnahl[Ändere · der Quälltäx ändere]

Caro — aan de Jitta
Dani — aam Baßß
Ylva — dëijt senge
MarX — klobb et Schlachzöüsh, af 2003
Anke — hät obb et Schlachzöüsh enjedrosche, beß 2003

Plaate[Ändere · der Quälltäx ändere]

Lili häd e paa Plaate erruß jebraat:

Album: „Uschialarm“ — TonTräger, Kölle, Määz 2005
EP/Maxi-CD: „Superstar“ — EMI, Kölle, Apprell 2006
1. Superstar
2. Farin U
3. Vorbei
4. Selbstfeiermeister
5. 4 Stunden
Single/Maxi-CD: „D.I.S.K.O.“ — EMI Capitol, Kölle, Juuli 2006
1. Disko (Radio Edit)
2. Punk oder nicht Punk
3. Disko (Disco Mix)
4. Disko (LoFi 80's Mix)
5. Disco (On The Floor Mix)
CD: „SCHWARZWEISSPINK“ — EMI Capitol, Kölle, Juuli 2006
1. Wir sind LiLi
2. D.I.S.K.O.
3. Rock mich
4. Farin U
5. Siehst du das Meer
6. Supastar
7. Nimm mich mit
8. Ich hätt so gerne Brüste
9. Riecht nach Sommer
10. PunkOderNichtPunk
11. Vorbei
12. Deine Liebe ist Trash
13. 4 Stunden
14. Selbstfeiermeister
Maxi-CD: „Nimm Mich mit“ — EMI, Kölle, 24. Novëmbo 2006
1. Nimm mich mit (Radio Edit)
2. Deine Liebe ist Trash
3. Hallo Dörte (Live vom Rockpalast 2006)
4. Nimm mich mit (Live vom Rockpalast 2006)

Websigge[Ändere · der Quälltäx ändere]

Commons: Lili – Album mit Bilder, Filemche un Tön op Wikimedia Commons