Leopoldine Konstantin

Uß de Wikipedia
He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Leopoldine Konstantin em Joohr 1912

Leopoldine Konstantin (* 12. Määz 1886 ä Brünn; † 14. Dezember 1965 ä Wien) woch ön Schauspellerin us Österreich. Sö wood als Leopoldine Eugenie Amelie Konstantin jeboore.

No ön Usbeldung zr Schauspellerin beij hörö spiidere Mann Alexander Strakosch jäng sö zo Max Reinhardt an öt Dütsche Theater, wo sö em Joohr 1907 hörö ischde Optrett hod. Stöcker wi Frühlings Erwachen (1907), Shakespeares Romeo und Julia un Ein Sommernachtstraum braade sö jruuß öruss.

Va 1911 a kutt mo sö beij d Berliner Kammerspelle see, wo sö ävver opjrond van dr Ischde Weltkresch ophood un no öt Wiener Stadttheater jäng. Spiir koome anger Theatere en d Stadt dozo.

1912 stäng Leopoldine öt ischde Mol vöör d Kamera un driihnde Stummfilme, wobeij sö nett lang Hauptrolle spelle dorf. Dodörch vorloor sö d Loss un driihnde dr Film dr Röck.

Leopoldine em Joohr 1911

1923 bouwde sö vöör hörö Jong un vöör sich ö Huuß. Ee Joohr spiidr, 1924, hiirode Leopoldine Géza Herczeg.

1933 stäng Leopoldine wärm vöör d Kamera, zwei Joohr spiidr trock sö wärm zöröck no Österreich un wandernde 1938 no Ängland, bleed ävver mä kott do un emijriirde no d USA. Do sö ävver kee Änglisch sproch, vordeende sö hör ischde Jeld als Fabrikarbeederin. Dat ändernde sich iisch, als sö di Sproch jott sproch. Dann spelld sö en dä va Alfred Hitchcock jedrrihnde Film Notorious ön Hauptroll. Zösamme braad Leopoldine öt op 29 Filme. Dozo jehüüre Die Insel der Seligen va 1913 un Der alte und der junge König us öt Joohr 1934.

1948 kiirde sö no Österreich zöröck un werkde vöör öt Radio.

Leopoldine storv em Joohr 1965.

Jätt z lääse[Ändere · der Quälltäx ändere]

 Commons: Leopoldine Konstantin – Sammlung von Bilder, Filemche un Tön op Wikimedia Commons