Lėtsche (Donn)

Uß de Wikipedia
Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Letsche odder Litsche dëijt mer wat mer nit esu jood fėngk, oddo wat nit esu jood aankütt. Dat bedügk dann, zem Bëijshpell, dadd_en Oppföhrung dorreschfälld, oddo e Booch nit jekouf weed, oddor_enne Minsch jät schääl aanjeloohrt weed, wëij hä jët jesaat hät.

De Dijaläkte un wi mer t bochshtabbėerre kann
Dütsch :  durchfallen lassen
Kölsch (Rheinische Dokumenta) :  letsche̩ 
Kölsch (Ripoarėsch Töhn) :  lėtsche
Kölsch (Wrede) :  letsche
Sönß (hölp met bem Ennzoteere!) :  litsche

Bëijshpell fum Letsche[Ändere · der Quälltäx ändere]

Wi dä Ostermanns Will noch lääve däät, do wohr en Kölle jood jelėgge, un de Lück mochte sėng Krätzjer un Leedscher. Ävver wi hä jët ällder wohr, do häd et inn enß noh_m Sööde he jetrokke, un hä häd e Kupplee obb_et Zillertal jemaat. Dat hät hä och em kölsche Faßteleer aanjebraat. Do han_se_n jelitsch. Dat kohm bëij de Lügg_en Kölle nėt aan. Dä Ostermann, säät_me, eß dat schwer aanjekomme. Ävve de Kölsche hann_en trotzdämm leev, un sėnge singe Leeder beß hück_ze_daachß.

Dat stemmpt esu niet; et wor der Jupp Schmitz (Schnäuzer) met singem Leed: Der Hirtenknabe von St. Kathrein im Johr 1963, dä se bei dä Sitzung jelischt han wejen däm Kostüm, dat hä anjehat hät.

Enne anndere Fozäll och uß däm kösche Faßteleer wohr et Mottoleed fum Joohr 2004, wo et Marie Luise Nikuta jesonge hät. Dä Zohüürer bemm Höhner_Kunnzäät hädd_et nit jefalle, un se han dat Leed jeletsch, jo, se sulle sujaa jefeffe han. Dämm Marie-Luise hädd_et wieh jedonn, un se häd_e Johr lang mem_Motto_Leed ußjesaz, ävver nu määt_se_t widdo. Et joov och Lück, di mëinte domohlß, dad_em kölsche Faßteleer enß en morërner Aat Mussik joot fö_t Mottoleed wöhr, un woore nit nur jäje da Leed, söndonn och jäje de Sängerėn.

Wi em Hërrbß 2007 et Eva Herman ehr Booch övver da Prinzipp fun de Arsche Noah „Das Prinzip Arche Noah“ fürjeshtallt hatt, do hädd_et em Ėngervjuu donoh jëd:eröm_jeshtammelt, wo mansch Ëijner, dä im su wi su kott woh, mëijnt, dat mer eruß hööre künnt, et däät jët förr_et Drette Räijsh övverish hann. Et hät zwa et Jäjedeil jesaat, un dat och donoh noch minnßdenß drißßish Dousend Mool widerholldt, ävver do NDR un ättlijje Femminißtėnne un Ahle 68_er han_se letsche welle, un han dat och jedonn. Dr NDR hät_se sujaa jeschaßß, un der Kerner hät se uß senge Sendong jeworrfe.