Göttingen

Uß de Wikipedia
Hee dė Sigk iere Dijaläk wėßße mer nit
(mieh Sigge, wo mer der Dijaläk nit rääsch wėßße)
un wi jeshrėvve, wėßße mer och nėt
(mieh Sigge, wo_mer_nėt wėßße, wi_jeshrėvve)
Göttingen (halev-lings vüre sitt me de Gänseliesel-Bronne, dohinger et aal Rothus)

Göttingen ess e Städtche met jod 120.000 Inwohne en Niedersachsen onjefähr om halve Wäch zweschen Hannover on Kassel. Göttingen ess die Haupstadt vom Landkreis Göttingen, jehürt ävve selevs jar nit richtich derbei. (Dat hängk met enem komplizierte Jesetz zesamme, wat me do 1964 injeführt hät, däm sujenannte Göttingen-Jesetz.)

En Göttingen jit et en jruße on bekannte Uni, Georg-August-Universität jenannt, on me sitt mieschtendeels övverall Studenten en de Stroße; et sei denn et Semester ess am Eng, dann ess en de Stadt nit vill loss. Doröm sät me för Göttingen och als Witz, dat wör keen Stadt met Uni sondern en Uni met Stadt.

Göttingen hät en kleen, jemötlich City met vill Fachwerkhüse on kleene Jässje, on ess bekannt för et Gänse-Liesel. Dat ess e Bronne om Rothusplatz met ene kleene Fijur von enem Mädche met ne Jans om Ärm. Noh de Stadtordnung ess et verbodde, dat Mädche ze bütze. Nor bei jonge Minsche, die jrad Dokte jewudde sinn, widd alljemeen en Usnahm jemat. Do ess et nämmich Tradition, dat me met Fründe nohm Gänse-Liesel lööf on im e Bützje opdröck. Wobei, „loofe“ ess nit janz richtich: Dä neu jeboorene Dokte widd en ene Holzware jesatz, kritt en Fläsch Bier en de Hand jedröck on widd henjefahre. Dat Spillche kamme emme widde en de Stadt belure.

En Göttingen wudd orjinal e norddüggsch Platt jeschwad (Niederdeutsch). Leider ess dat en däre Jäjend ävve fass komplett usjestorve, sudat me dervon nix metkritt. Mieh odde winijer et Eenzije, wo me hüggzedaach vom Göttinger Platt noch jet merk, ess dat en Reih Lügg dat g wie j usspreche, su wie mir am Rhing dat och maache.

Söns wör noch ze sare, dat et do ne jode Basketball-Vereen jit, namens BG 74. En de Sesong 2011/12 sinn die allerdings jäjen de Afsteech us de irschte Lija am kämfe. Ne Foßballvereen jit et och: Göttingen 05. Dä hät zwar vill Fäns on Tradition, deet ävve en de Oberlija römkrööse.