Dreikünninge

Us de Wikipedia

Op Dreikönninge am 6. Januar, och Dreikönningsdaach jenannt, fiere de Christe en de Oss- wie en de Wesskirch dat Huhfess von d'r Erscheinung vom Herr „Epiphanie“. An dämm Daach hann noh'm Evangelium vom Matthäus drei Weise uss em Morjeland, griechisch Anatolië (Μάγοι από ανατολών, „Magoi apo anatolôn“), et Jesuskind besök un imm Weihrooch, Jold un Mürre dajebraat, weil se nem Stään jefolesch wore, dä öwe Bethlehem stonn jebliwe eß. Dat Stäänzeiche däät noh ahle Prophezeihunge bedügge, dat dä neue Könning un Messias jeboore eß.

De Hillije drei Künninge wooren, esu hëijs_et, ennem Shtän jefollesch, dä inne der Wääsh noh Betlehemm jwiise hätt. Hück weed dä jähn als_enne Komeet met enem Shtätz jemohlt un foshtannde. Dofun eß ävver em Ojinaal nix jesaat, un de Weßßeschaff jläuf hück och miehter aan jët am Naach_Hemmel, wat mer nit fun övverall op de Ääd joot hät beloore künne.

Ne ahle Brauch eß, dat zwesche Neujohr un Dreikönninge kleen Pänz, de Stäänsinger, durch de Stroße trecke, für ärm Lück sammele, un öwe jede Huusdür met jeweihte Krick de Aanfangsbuchstabe von Christus Mansionem Benedicat (Christus sään dat Huus) schriewe, für Zweidausendaach: 20 * C + M + B * 08.

Für Kölle eß de Dreikönningsdaach ne janz besonders huhe Fierdaach, weil en singe Stadtmuure de Jebeine von de helije drei Könninge em Dreikönningsschring ruhe, öwe dämm de Kölner Dom jebaut wudde eß. De Dreikönninge sen für Kölle su wichtig, dat me suja ihr Krone en et Stadtwappe opjenomme hätt.

De Dreikönningsdaach eß en de mietste katholische un orthodoxe Länder e'ne jesetzliche Fierdaach, nur en Nordrhein-Wessfale wo se lië net.

Dä Dreijkünningsdaach, dat eß dä Hillije Drei Künninge ier Fierdaach, dä eß amm → 6. Jannowaa, un dat eß och enne besönndere Fierdaach en Kölle. Dä Daach weed och de Epiphanie jenanndt.