Dormaje
Dormaje, op Huchdütsch Dormagen, es en Städtche zwesche Kölle un Nüss. Et jrenz ahn de Städte, Kölle, Nüss, Pullem, Rommerskirche, Langenfeld, Monhem un och Düsseldörp. En Dormaje leeve ca. 65000 Lück. Et jitt 13 Veedel en Dormaje. Zöm ärbigge jonn de mieste Lück in et Bayer-Werk, hück weed et Chempark jenannt. Fröher jovv et he en kleen Brauerei (Bürger-Kölsch, Kess-Kölsch un Garde Kölsch) un en Zockerfabrik (Pfeiffer & Langen). En Dormaje weed och vill jefiert. Schötzefess un Fastelovend weed he en jedem Veedel ördentlich jefiert. Ävver jedes Veedel häld op singk Eijenaat. Su säät ma en z. B. Delve Alaaf in Delrod Helau un en Strabörsch Bösch Bösch.