Dmitri Medwedew
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Dmitri Anatoljewitsch Medwedew, op Russisch schriivd sisch dat Дми́трий Анато́льевич Медве́дев, es önö russische Politiker. Hä wood am 14. September 1965 ä Leninjrad jeboore, ön Stadt di hüü weer Sangkt Petersburch heecht. Präsident Putin schlooch häm am 10. Dezember 2007 als singe Nachfoljer vöör watt hä dann och wood.
Dimitri es met Swetlana Medwedewa (* 1965) vorhiirod un hat enne Sohn Ilja (* 1996).
Putin un Medvedev weerkde at ä Sangkt Petersburch zösamme, sei kannte sich jott. Ängs 1990 holde Putin häm no Moskau. En de nächste Joohre klomm Medwedew immer mii d Karriäreleer öropp. Su wood hä dr Chef van Gaßprom, d jrützte russische Ölfirma. Bes vör kottem kannte völl Russe häm ävver kom.
Sii Lääve
[Ändere · der Quälltäx ändere]Medwedew woss en ön janz normal russische Famelisch en önö klenge Ocht beij Sangkt Petersburch op. En d Universität van d Stad studiirde hä Räät, maade singe Doktoch un werkde dono an d Huchschüll. Nävvebeij woch hä en ö Komitee vöör uswärtije Saache en de Börjermeesterei va St. Petersburch tätich. Dat Amt wood spiir va Putin jeleit.
1999 wähßelde Medwedew no Moskau un övvernoohm dat Amt van dr Vize-Chef van d Rejiirung. 2000 joov öt at wärm önö Wähßel, als hä Vize-Chef van d Präsidentevorwaltung wood. Hä holp Putin beij sing Waahl em Joohr 2000.
Em Juni 2000 wood hä dr Ischte stellvortränende Chef van d Präsidialvorwaltung un vong 2001 a, dr öffentlische Deenst z reformiire.
Ängs Oktober 2003 wood Medwedew Leiter van d Präsidialvorwaltung.
Öt Werk beij Gaßprom
[Ändere · der Quälltäx ändere]Van dr Juni 2000 a woch Medwedew en dr Opsichtsroot va Gaßprom. Och do klomm hä op d Karriäreleer örop, denn am 28. Juni 2002 wood hä dr Chef van dr Opsichtsroot.
2004/2005 joov öt Kniiß tösche Medwedew un Ijor Setschin, dr Vize-Chef van d Präsidialvorwaltung. Gaßprom woohl Juganskneftegas övvernämme. Dat fluppde nett ösu, wi öt jeplaant woch.
Am 14. November 2005 maade Putin Medwedew zm Ischte Vize-Menesterpräsident. Hä solld vöör Reformö beij d Vorsorjung va Kranke sorje un sisch öm Ußbeldung kömmere. D Vorsorjung met jenoch Wonnege jehood zosätzlich zo sing Opjaave. Sälvs vöör d Buure woch hä zoständich.
Am 10. Dezember wood Medwedew vöör öt Präsidenteamt nomineerd. Viir Parteie sproche sisch dovöör us. Putin ongerstötzd Medwedew. Dörch d Waahl vam 2. Määz 2008 wood hä dr neue Präsident va Russland.
