Düren

Uß de Wikipedia
Et Wappe va Düere

Düren es en Stadt zwesche Kölle un Oche aan de Rur. Et hätt öm die 93 000 Innwohner. Et es bekannt für de Papierfabricke un usserdem wore he ens Fordwerke, hück hätt do Visteon e Werk. Dä Bürjermeester vun Düüre is dä Paul Larue vun dä CDU, im Krieshuus hätt och der Landrat Spelthahn singe Sitz. Em Kreesch is vell von Düre kapott jejange, ävver et jitt noch e paar schön Ströößche. En Düüre es immer jet loss: Et jitt enne Wochemaat un jede Menge angere Verjnöjungsmöglischkeete. Em Sommer is de jruße Annakirmes met Attraktione us janz Deutschland, usserdem jitt et enne Ääpelsmaat, enne Biermaat, e "Jazzfestival", et widd Fastelovend jefiehrt, e Stadtfest, Maimaat, Weihnachtsmaat - kuurt, reschtisch ruhisch es et nie. Wä jet jehobene Unterhaltung söökt, fingt die im Huus dä Stadt un in der neujebaute Arena, wo uch die Evivo, dä Volleyballvering, spellt. En Düre jitt et en janze Reih Zeidunge, jede Daach kritt mr de Dürener Zeidung un de Dürner Nochrischte. Et Radioprojamm Radio Rur deet us dä ahle Pleußmüll sende. Mer han he keene jroße Fussballclub (am ierschte noch dä GFC Düren 09 uss Jüzzenich), dröm simmer all Kölle, Jladbach oda Ooche Fans. Uße Volleyballverein Evivo Düren spillt met Jlöck in dä ierste Bondesliga. Toni Schumacher kütt uch us Düere.

En Düre kalle de Lük Dürener Platt, watt sich net vell vom kölsche Platt ungerscheede deet. Wiggdere ungerdeelt sich die Sprooch noch up die kleen Dörfjere wie Ääx, Milwieler oder Merke.

Wenma jrad ens en dä Jejend ess, künnt mer sich jo ens frore, ob mer sich in Düre nit och jet aaluure künnt. Mer han do:

  • Et Leopold-Hoesch-Museum: En schön Museum, jebaut em Jurendstiel met Jemälde, Skulpture un aff un zo ens Installazione. Et jeht vum nünxehnte Johrhundet bes zo de modernste Saache, se han vill vum Expressjonismus un dä neuje Sachlischkeet, usserdäm vill vun Heinrich Maria Davringhausen, vun däm dat Museum dä Nohloss hätt.
  • Et Papiermuseum, en däm mer sinn kann wie de Lüüd domols Papier jemaaht han, wie mer et hück mäht un wat für'n Tradizion dat Papiermaache en Düre un de Vüüreifel hätt.

Alle zwei Johr maache die zwej Museje en spezielle Kunzausstellung, de Biennale "PaperArt", wo de neueste Papierkunz jezeech weed.

  • Em Sommer, normalerwies de letzte Wooch em Juli, jiddet en jrußes Fess in Düre, de Annakirmes. Dat ess de jrößte Kermes links vum Rhing in Deutschland.

Stadtdeel[Ändere · Quelltext bearbeiten]

  • Arnoldswiele (Arnoldsweiler)
  • Äks (Echtz)
  • Berzbuir (Berzbuir)
  • Birjel (Birgel)
  • Birkesdörp (Birkesdorf)
  • Derichswiele (Derichsweiler)
  • Huave (Hoven)
  • Jüzzenich (Gürzenich)
  • Kofferuath (Kufferath)
  • Kotzedörp (Konzendorf)
  • Krockhuse (Krauthausen)
  • Lengeschdörp (Lendersdorf)
  • Mellwiele (Mariaweiler)
  • Merke (Merken)
  • Nedderau (Niederau)