Booch (för ze lässe)

Us de Wikipedia

	Hee kütt nur ejne Senn, ävver Booch kann mieh bedügge. Luuer donoh op dä Sigk → Booch (Watt ėßß datt?)

Shtandbeld: zwei Pänz lesse zosamme e Booch.

Dëngkmohl: dä Albertus Magnus aan de Uni en Kölle es alleins övver em Booch am simmelleere o senneere.

Ein vun de Bibelle met 42 Reije, di dä Juteberschs Hännes en Määnz em Johr 1455 jedröck hät. Di litt hück em Amilandt en de Library of Concgress.

Däm Assurnasipal II. sing Kreeje, uß Nimrud, opjeschrevve em 9. Johrhungert för Krėßtoß, op en Tafel uß Allabaster, die hück em dänesche Nazjonalmuseejum en Koppenhaaren litt.

He dat Kielschreff-Bööshelshe es 2041 odder 2040 för Kreßtůß em sechste Johr vum Amar-Sin singe Rejierung en Keijnaasije jeschrevve woode. Di Schreff joov_et alld 1000 Johr länger, un et es de ählste wo mer hügk fun weße. Dat Tontävelshe litt jetz en de Library of Congress.

E Booch es jewööhnlėjj_en Aansammlung vun beschrevve o bedröck Blädder woh mer dren Lesse kann.

Nattörlesch jidd_et noch de eijn udder ander Forrem, wi mer e Booch en de Fenger krijje kann: als en Websigg, op DVD o CD, op Mikrofėllem, als Pappürruß-Roll, udder op Tontäfelche met Kielschreff. Ävver all dat es hückzedaachs noch odder widder sellde, jedröck un jebonge es der Nomaalfall.