Ben Turpin
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Ben Turpin (* 19. September 1869 ä New Orleans, Louisiana; † 1. Juli 1940 ä Santa Monica, Kalifornie; bürgerlich Bernard Turpin) woch önö Schauspeller us d USA, dä dörch sing Stommfilme bekannd wood. Si Markezeeche woch singe schääle Bleck, ussjelößd dörch ö schiilend räät Oohr suwi önö ussjeprächde Schnäuz. Turpin driihnde mi als 200 Filme.
Si Lääve
[Ändere · der Quälltäx ändere]Turpin, ö Kengk us ön Bäckichfamelisch, werkde z iisch en ö kleen Theater un spiir em Zirkös. Beij öt Spelle va enn van di Rolle hot hä önö Onvall, watt dat Schille usslösde. Hä leed sisch sing Oohre met 25.000 Dollar vorsechere.
Em Joohr 1907 entstäng met An Awful Skate Turpin’s ischde Stommfilm, wora sisch ävver em sälve Joohr noch angere aaschlosse. En d dorop volljende Joohre entstänge noch ö paar Filme, ävver zosätzlich werkde Turpin als Huußmeester vöör d Filmjesellschaff. 1909 entstäng met Mr. Flip önö Film, dä dodörch va sisch mulle maade, dat ä häm d ischde Tochte en ö Jesesch jeworpe wood. Turpin kräät sö aav.
Viir Joohr spelld Turpin dono net mi ä Filme met un tauchde isch 1915 wärm op. Chaplin sold met häm zösamme spelle, ävver öt joov völl Kniiß.
En d Joohre öm 1920 woch Turpin enne van d bekanndste Schauspellere. Nävver kotte Filme driihnde hä 3 lang Filme, di ävver net all erhalde blävve send. Watt Turpin besongisch jott kond, wore Parodie op Stöcker us anger Filme.
D Jesondheet va sing Vrau sorchde dovöör, dat Turpin komm noch Filme driihnde. Nodäm sö 1925 storv, hiirode Ben ee Joohr spiidr wärm. Hä vong zwar wärm a, Filme z maache, ävver sing jruuße Zitt woch vorbeij. Als dr Tunfilm sich dörchsatz, woohl kenne mi Ben Turpin’s Filme seeh.
Aav un zo tauchde Turpin noch ä Filme op, wobeij 1940 singe leitzde Film jedriihnd wood.
Ben Turpin storv em Alder va 70 Joohr.
Weblinks
[Ändere · der Quälltäx ändere]
- Ben Turpin en_do Internet Movie Database (op deudsh_on änglesh)
- Biografie mit Fotos (Englisch)